અભિનેત્રી Deepika Padukone કોરોના પોઝિટિવ, તેમનો પરિવાર પણ છે સંક્રમિત

નવી દિલ્હીઃ બોલીવુડ અભિનેત્રી દીપિકા પાદુકોણ (deepika padukone) નો પરિવાર કોરોનાની ઝપેટમાં આવી ગયો છે. ત્યારબાદ સમાચાર આવ્યા કે દીપિકા પાદુકોણ કોરોના વાયરસનો શિકાર થઈ ગઈ છે. ત્યારબાદ તેણે ખુદને ક્વોરન્ટાઇન કરી લીધી છે. અહેવાલ પ્રમાણે દીપિકા આ સમયે પોતાના પરિવારની સાથે બેંગલુરૂમાં છે. જ્યાં દીપિકાના પિતા પ્રકાશ પાદુકોણ હોસ્પિટલમાં દાખલ છે. તો તેમના માતા ઉજ્જવલા પાદુકોણ અને બહેન અનીષા પાદુકોણ પણ કોરોના પોઝિટિવ બાદ આઇસોલેટેડ છે. 

પરંતુ આ વાતની પુષ્ટિ હજુ સુધી દીપિકાએ સત્તાવાર રીતે કરી નથી. પરંતુ દીપિકા પાદુકોણ પાછલા મહિને રણવીરની સાથે એરપોર્ટ પર સપોટ થઈ હતી. કહેવામાં આવી રહ્યું છે કે દીપિકા પોતાના પરિવારની સાથે સમય પસાર કરવા બેંગલુરૂ ગઈ છે. તો સેલિબ્રિટી જર્નલિસ્ટ વિરલ ભાયાણીએ પણ એક પોસ્ટ શેર કરી આ વાતની જાણકારી આપી છે. તેમણે દીપિકાની એક તસવીર શેર કરી છે, તેની સાથે કેપ્શનમાં લખ્યું, માતા, પિતા અને બહેન બાદ દીપિકા પાદુકોણ પણ કોરોનાની ઝપેટમાં આવી ગઈ છે. ફેન્સ તેના જલદી સાજા થવાની કામના કરી રહ્યાં છે.