જુના ભાભીજી અને ડો. ગુલાટી સાથે મળીને લાવી રહ્યા છે ધમાકેદાર શો, વધુ વિગતો એક ક્લિક પર

નવી દિલ્હી : કપિલ શર્મા સાથે શો કરનાર કોમેડિયન સુનીલ ગ્રોવર હવે બિગ બોસ વિનર તેમજ 'ભાભીજી ઘર પે હૈં?'ની જુની અંગુરી ભાભી એટલે કે શિલ્પા શિંદે સાથે નવા શોની શરૂઆત કરી રહ્યો છે. હાલમાં આ બંને એકસાથે શૂટિંગ કરતા જોવા મળ્યા હતા. આ શૂટિંગની કેટલીક તસવીર વાઇરલ થઈ રહી છે. 

ફેન ક્લબથી ટ્વિટર પર શેયર કરવામાં આવેલી આ તસવીરમાં શિલ્પા મરૂન રંગની સાડીમાં જોવા મળે છે. આ તસવીરમાં સુનીલ ગ્રોવર એક હાથમાં બુક સાથે ટીચરના લુકમાં દેખાય છે. આ તસવીરમાં કપિલ શર્માના શોમાં કામ કરી ચૂકેલા સ્ટાર્સ સુનીલના શોમાં દેખાય છે. 

આ નવા શોમાં શિલ્પા તેમજ સુનીલ એકસાથે જોવા મળશે. પૂર્વ ક્રિકેટર કપિલ દેવ અને વિરેન્દ્ર સહેવાગ પણ આનો હિસ્સો બનશે. આઇપીએલ દરમિયાન આવનારા સુનીલ ગ્રોવરના આ શોનું નામ દન દના દન છે અને એ જિયો એપ પર ટેલિકાસ્ટ કરવામાં આવશે. 
આ શો દર શુક્રવારે તેમજ શનિવારે દેખાડવામાં આવશે. સુનીલનો આ શો કપિલની એક્સ ગર્લફ્રેન્ડ પ્રીતિ સિમોસ પોતાની બહેન નીતિ સિમોસ સાથે મળીને બનાવી રહી છે. થોડા દિવસો પહેલાં કપિલના નવા શોના મુદ્દે અલી અસગરે શુભેચ્છા આપી હતી. આ પછી કપિલે જૂની ટીમને યાદ કરીને ભાવુક ટ્વીટ કર્યું હતું.