બાળપણના ઘરની તસવીર શેર કરીને ધરમપાજી થયા ભાવૂક, લખ્યું કંઈક આવું...

નવી દિલ્હીઃ અભિનેતા ધર્મેન્દ્ર આજકાલ પોતાના ફાર્મ હાઉસમાં વધુ સમય પસાર કરી રહ્યા છે અને અહીંથી તે હંમેશાં ફોટા તથા વીડિયો શેર કરતા રહે છે. હવે તેમણે ફાર્મ હાઉસના જીવનથી અલગ પોતાના પૈતૃક ઘરનો ફોટો શેર કર્યો છે, જેની સાથે જ તેમણે અત્યંત ભાવૂક શબ્દોમાં જૂની યાદો પણ વાગોળી છે. ધર્મેન્દ્રએ પોતાના દાદાના ઘરનો ફોટો શેર કરતા લખ્યું છે કે, આ ઘરમાં પસાર કરેલું બાળપણ આજે પણ યાદ આવે છે. 

ધર્મેન્દ્રએ ટ્વીટ કરીને લખ્યું છે કે, "મેરે બાબુજી કા ઘર... અસ દર સે આતે-જાતે, ઉસકે દર પર માથા ટેકતા, દુઆએં માંગતા ગુજરતા થા મૈં, આભારી હું ઉસને સુન લી, ઇસ દરને બડે પ્યાર સે આશીર્વાદ દેકર વિદા કિયા થા. યે ઘર મેરે બાબુજી કા ઘર હૈ, યહીં બચપન ગુજરા થા. બહુત યાદ આતા હૈ દોસ્તોં."

ધર્મેન્દ્રએ આગળ લખ્યું છે કે, "ખુશિયાં બાંટતા, દર્દ સુનાને લગા. નહીં-નહીં, આજ કે બાદ કભી નહીં." ધર્મેન્દ્રના અત્યંત લાગણીપૂર્ણ શબ્દો વાંચીને લાગી રહ્યું છે કે તેમને પોતાના પૈતૃક ઘરની યાદ સતાવી રહી છે. 

થોડા દિવસ પહેલા ધર્મેન્દ્રએ પોતાના ફાર્મ હાઉસનો એક વીડિયો શેર કર્યો હતો. આ વીડિયોમાં એક ઝરણું વહેતું દેખાઈ રહ્યું હતું. તેમની આ પોસ્ટના અનેક લોકોએ વખાણ કર્યા હતા. 

જુઓ LIVE TV....