તેંડુલકરથી સહેજ પણ કમ નથી ભારતની આ મહિલા ક્રિકેટર! તેના પર બનતી ફિલ્મનું ટ્રેલર કરી દેશે ભાવુક

નવી દિલ્લીઃ તાપસી પન્નૂની અપકમિંગ ફિલ્મ ‘શાબાશ મિટ્ઠુ’નું ટ્રેલર રિલીઝ થઈ ગયું છે. આ ફિલ્મમાં તાપસી પન્નૂ ભારતીય મહિલા ક્રિકેટર ટીમની પૂર્વ કેપ્ટન ‘મિતાલી રાજ’ની ભૂમિકા નિભાવતી જોવા મળશે. તાપસી એક ખુબ જ ટેલેન્ટેડ અભિનેત્રી છે. આ અગાઉ પણ તે અમિતાભ બચ્ચનથી લઈને અક્ષયકુમાર જેવા દિગ્ગજ કલાકારો સાથે કામ કરી ચૂકી છે. ત્યારે મિતાલીની ભૂમિકામાં તાપસીના અભિનયના અત્યારથી જ વખાણ થઈ રહ્યાં છે. સોશિયલ મીડિયામાં ખુબ ઝડપથી આ ટ્રેલર વાયરલ થઈ રહ્યું છે.

આ પણ વાંચોઃ  આલિયા-રણબીરને ત્યાં બંધાશે પારણું, ઈન્સ્ટા પર વાયુવેગે વાયરલ થઈ આ તસવીર, બે મહિના પહેલાં જ થયા હતા લગ્ન

ફિલ્મની રિલીઝ ડેટ:
થોડા દિવસ પહેલા ભારતીય ક્રિકેટની સર્વશ્રેષ્ઠ મહિલા બેટર મિતાલી રાજેએ આંતરરાષ્ટ્રીય ક્રિકેટમાંથી સંન્યાસ લેવાનું એલાન કર્યુ હતુ. મિતાલી રાજેનાં આ એલાન પર તાપસી પન્નૂએ તેમને ધન્યવાદ આપ્યુ હતુ. તાપસીએ લખ્યુ હતુ કે, ‘ધન્યવાદ જ એક એવો શબ્દ છે જે આપણે દરેક કહી શકીએ છે. ક્રિકેટના રસિયાઓ માટે મહિલા ક્રિકેટને મેપ પર લાવવા માટે ધન્યવાદ!’ તમને જણાવી દઈએ કે, મિતાલી રાજનાં જીવન પર બનેલી આ ફિલ્મ આવતા મહિને 15 જુલાઈના રોજ રિલીઝ થશે.