આલિયાની `રાઝી`નું પહેલું ગીત લોન્ચ, Video જોઈને થઈ જશો ફેન

મુંબઈ : બોલિવૂડ અભિનેત્રી આલિયા ભટ્ટ અને એક્ટર વિક્કી કૌશલની ફિલ્મ 'રાઝી' મે મહિનામાં રિલીઝ થવાની છે. આ ફિલ્મ ગત કેટલાક સમયથી ચર્ચામાં છે અને હવે ફિલ્મનું ટ્રેલર પણ રિલીઝ કરી દેવામાં આવ્યું છે. આ ફિલ્મમાં આલિયા ઘણી ભૂમિકાઓમાં જોવા મળી રહી છે અને આ બધી ભૂમિકાઓને એક વ્યક્તિ તરીકે ભજવતાં જોવી ખૂબ રસપ્રદ રહેશે. જોકે આ ફિલ્મમાં આલિયા એક પુત્રી, પત્ની અને જાસૂસ તરીકે જોવા મળશે. જંગલી પિક્ચર્સ અને ધર્મા પ્રોડક્શન્સની અપકમિંગ થ્રિલર ફિલ્મ ‘રાઝી’નું પહેલું ગીત સામે આવ્યું હતું. આ ગીતનું ટાઈટલ ‘એ વતન’ છે અને આ ગીતમાં એક્ટ્રેસની જર્ની (દીકરી,પત્નીથી લઈને જાસૂસ સુધી) દર્શાવવામાં આવી છે.

આ ફિલ્મની કહાણી 1971માં ભારત અને પાકિસ્તાન વચ્ચે થનાર યુદ્ધ પર આધારિત છે. ફિલ્મની કહાણી હરિંદર સિક્કાના ઉપન્યાસ કોલિંગ સહમત પર આધારિત છે અને ફિલ્મની કહાણી રિયલ સ્ટોરી પર આધારિત છે. ફિલ્મમાં આલિયા એક કાશ્મીરી છોકરી 'સહમત'નું પાત્ર ભજવશે જેના લગ્ન પાકિસ્તાની સેનાના અધિકાર સાથે થાય છે. વિક્કી રાઝીમાં એક પાકિસ્તાની સેના અધિકારીની ભૂમિકામાં છે. ટ્રેલરની શરૂઆતમાં આલિયા એક સીધી સાદી સામાન્ય છોકરીની માફક નજરે પડે છે પરંતુ ધીરે ધીરે તેની જીંદગીમાં ફેરફાર આવે છે.