ગુજરાતી ગરબા ક્વીન ફાલ્ગુની પાઠકના જીવનનો દર્દનાક કિસ્સો, પિતાએ કરી હતી મારપીટ

Falguni Pathak Net Worth And Lifestyle: નવરાત્રિનો ઉત્સવ ચાલી રહ્યો છે અને આ સમય દરમિયાન ગુજરાતનું કોઈ શહેર કે ગામ ગરબા રમવાથી બાકી નથી રહેતું. આ દરમિયાન જો લોકો કોઈને સાંભળવા માંગતા હોય તો તે છે દાંડિયા ક્વીન ફાલ્ગુની પાઠક. 90 ના દાયકામાં તેના ઘણા આલ્બમ્સથી લોકોને દિવાના બનાવનાર ગાયિકા ભલે બોલિવુડની ચમકદાર લાઈફથી દૂર હોય, પરંતુ લોકો હજી પણ તેમના ગરબાના દિવાના છે. જ્યારે નવરાત્રિની વાત આવે છે, તો તમે તેમના સિવાય કોઈને વિચારી શક્તા નથી. આવી સ્થિતિમાં, આજે અમે તમને ગાયકના અંગત જીવન વિશેની ખાસ વાતો જણાવીશું, તે બહુ જ ઓછા લોકો જાણ છે 

ફાલ્ગુની 4 બહેનોમાં સૌથી નાના છે
ફાલ્ગુની પાઠકનો જન્મ 2 માર્ચ 1969ના રોજ એક ગુજરાતી પરિવારમાં થયો હતો અને પરિવારમાં પહેલેથી જ ત્રણ બહેનો હતી. આવી સ્થિતિમાં તેના પિતાને એક જ પુત્ર જોઈતો હતો, પરંતુ ફાલ્ગુનીનો જન્મ થયો. આવી સ્થિતિમાં, બાળપણથી ગાયિકાએ પોતાને એ રીતે ડ્રેસિંગ કર્યુ. પુરુષોની જેમ કપડાં અને વાળ રાખ્યા. શરૂઆતથી તેઓ શર્ટ અને પેન્ટ પહેરતી હતી અને જ્યારે તે મોટી થઈ ત્યારે તેણે આ દેખાવને આવો જ રાખ્યો. પોતાનો લુક ક્યારેય બદલ્યા નહિ.

માતાએ ગુજરાતી લોકગીતો અને ગરબા શીખવ્યા
ફાલ્ગુની પાઠકનો જન્મ સામાન્ય પરિવારમાં થયો હતો, પરંતુ તેને બાળપણથી જ ગીતોનો શોખ હતો અને તે 5 વર્ષની ઉંમરથી જ રોડિયોમાં ગીતો સાંભળતા હતા. આવી સ્થિતિમાં લતા અને અન્ય ગાયકોને સાંભળ્યા બાદ બાળપણથી જ સંગીતે તેમના મનમાં ઘર કરી લીધું હતું. આવી સ્થિતિમાં તેમની માતાએ ગાયકને પૂરો સાથ આપ્યો અને તેમને ગુજરાતી લોકગીતો શીખવતા. જ્યારે પણ નવરાત્રિ આવતી ત્યારે તે તેમને ગરબા શીખવતી. પુત્રીએ તેના શોખને તેની કારકિર્દી બનાવવાનું નક્કી કર્યું.

પિતાને દીકરીનું ગાવાનું પસંદ ન હતું
જ્યાં એક તરફ ફાલ્ગુનીની માતા તેને સંગીતમાં આગળ વધવા માટે પ્રેરિત કરી રહી હતી, તો બીજી તરફ તેના પિતા આ બાબતોની વિરુદ્ધ હતા. વાસ્તવમાં, જ્યારે ગાયિકા 9 વર્ષની હતી, ત્યારે તેણે સ્ટેજ પર કોઈને કહ્યા વિના 'લૈલા મેં લૈલા' ગીત ગાયું હતું. તેમના પિતાને આ વાતની જાણ થતાં જ તેઓ ખૂબ ગુસ્સે થઈ ગયા અને આ બાબતે ફાલ્ગુનીને માત્ર ઠપકો જ નહીં, મારપીટ પણ કરવામાં આવી. જોકે, આ હારથી ગાયિકાની ઈચ્છા ઓછી થઈ ન હતી.

90ના દાયકામાં રિલીઝ થયેલું આલ્બમ હિટ બન્યું હતું
જ્યારે તે 10-11 વર્ષની હતા ત્યારે તેને મોટી તક મળી હતી. એક ગુજરાતી ફિલ્મમેકરે તેમને તેમની ફિલ્મમાં ગીતો ગાવાની તક આપી. તેમણે તેનું પહેલું ગીત તે સમયની પ્રખ્યાત ગાયિકા અલકા યાજ્ઞિક સાથે રેકોર્ડ કર્યું હતું. આ પછી તેણે પોતાના કરિયરને આગળ ધપાવ્યું અને 'તા થૈયા' નામનું બેન્ડ બનાવ્યું પરંતુ અહીં પણ વાત ચાલી નહીં. આ પછી, 90 ના દાયકામાં, તેણી તેના આલ્બમ્સ લાવી જે હિટ થઈ. ફાલ્ગુનીના ગીતોનું તોફાન હતું અને લોકો તેને સાંભળી રહ્યા હતા.