Housefull 4 : હાઉસફુલ 4 નું આવી ગયું મજેદાર પોસ્ટર, ખતરનાક બાલા અને માસૂમ હેરી બનશે અક્ષય કુમાર
હાઉસફુલ 4 ફિલ્મનું (Housefull 4 Poster) નવું પોસ્ટર સામે આવ્યું છે. આ ફિલ્મમાં અક્ષય કુમાર (Akshay Kumar) ડબલ રોલમાં દેખાઇ રહ્યો છે. જેમાં ખતરનાક બાલા (Bala) અને માસૂમ હેરી (Harry) બનશે અક્ષય કુમાર.
નવી દિલ્હી : ફેન્સની ઉત્સુકતાનો છેવટે અંત આવ્યો છે અને બોલીવુડ સ્ટાર ખેલાડી કુમાર એટલે કે અક્ષય કુમાર (Akshay Kumar) પોતાની સુપરહિટ ફિલ્મ ફ્રેન્ચાઇઝી હાઉસફુલ 4 (Housefull 4) ના પોસ્ટર લાવ્યા છે. આ ફિલ્મની સિરીઝમાં અગાઉ અક્ષય કુમાર પનોતી બનતા દેખાયા હતા તો ક્યારેક એમનો સુંડી અંદાજ પણ દર્શકોને ગમ્યો હતો. પરંતુ આ વખતે હાઉસફુલ 4 ફિલ્મની વાર્તા 600 વર્ષની લાંબી સફર કરશે અને 1419થી 2019 દરમિયાનના સમયમાં અક્ષય અલગ અલગ અંદાજમાં નજર આવશે. મંગળવારે અક્ષય કુમારે ફિલ્મનું ટીઝર રિલીઝ કર્યું છે અને આજે આ ફિલ્મના કેટલાક પોસ્ટર્સ રિલીઝ કર્યા છે. આ અગાઉ બે પોસ્ટર સામે આવ્યા હતા.
આ ફિલ્મમાં અક્ષય કુમાર ડબલ રોલમાં દેખાય છે. એક હશે 1419 ના રાજકુમાર બાલાનું જેનો લુક ઘણો જ ખતરનાક છે. તીર ચલાવતા બાલાનો એક ફોટો સોશિયલ મીડિયામાં શેયર કરાયો છે જે ઘણો જ ખતરનાક છે. જેની નીચે કેપ્શનમાં લખાયું છે કે, બાલા શેતાન કા સાલા... તો બીજી તરફ અક્ષય કુમારનો બીજો રોલ છે હેરીનો જે લંડન રિટર્ન છે. બીજા પોસ્ટરમાં સ્પષ્ટ છે કે આ પુન: જન્મની વાર્તા છે. જુઓ હાઉસફુલ 4 ના નવા બે પોસ્ટર. તમને જણાવીએ કે આ ફિલ્મનું ટ્રેલર શુક્રવારે 27 સપ્ટેમ્બરે રિલીઝ થવાનું છે.