Jacqueline Fernandez એ સુકેશ ચંદ્રશેખર સાથે રોમેન્ટિક તસવીર પર તોડ્યું મૌન, કહી આ વાત

નવી દિલ્હીઃ બોલિવૂડ એક્ટ્રેસ જેકલીન ફર્નાન્ડીઝ ભૂતકાળમાં ઠગ સુકેશ ચંદ્રશેખર સાથેના અફેરને લઈને ચર્ચામાં છે. તેની એક તસવીર પણ સોશિયલ મીડિયા પર વાયરલ થઈ હતી. તસવીરમાં સુકેશ ચંદ્રશેખર કિસ કરતો જોવા મળ્યો હતો. તસવીરમાં જેકલીન ફર્નાન્ડીઝના ગળા પર લવ બાઈટ પણ જોવા મળી હતી. આ તસવીર વાયરલ થયા બાદ જેકલીને સોશિયલ મીડિયા પર પોતાનું નિવેદન જાહેર કર્યું છે.

નિવેદનમાં કહી આ વાત
જેકલીને તેના ઓફિશિયલ ઈન્સ્ટાગ્રામ એકાઉન્ટ પર નિવેદન જાહેર કર્યું છે. અભિનેત્રીએ લખ્યું- 'આ દેશના લોકોએ હંમેશા મને પ્રેમ અને સન્માન આપ્યું છે. આમાં મારા મીડિયા મિત્રોનો સમાવેશ થાય છે જેમની પાસેથી મેં ઘણું શીખ્યું છે. હું અત્યારે મુશ્કેલ સમયમાંથી પસાર થઈ રહી છું પરંતુ મને આશા છે કે મારા મિત્રો અને ફેન્સ મારી સાથે હશે. હું મારા તમામ મીડિયા મિત્રોને વિનંતી કરવા માંગુ છું કે મારી કોઈપણ તસવીર આ રીતે પ્રસારિત ન કરો, કારણ કે તેનાથી મારી ગોપનીયતાને અસર થાય છે. તમે તમારા પરિવારના કોઈપણ સભ્ય અથવા નજીકના વ્યક્તિઓ સાથે પણ આવું કરશો નહીં. હું આશા રાખું છું કે તમે આ નહીં કરો. હું ન્યાયમાં વિશ્વાસ કરું છું અને આશા રાખું છું કે મને પણ તે મળશે. આભાર.'