માસી પદ્મિનીના ગીત પર શ્રદ્ધા કપૂરનો મિથુન સાથે ધમાકેદાર ડાન્સ, VIDEO થયો જબરદસ્ત વાયરલ

નવી દિલ્હી : મિથુન ચક્રવર્તી (Mithun Chakraborty) અને શ્રદ્ધા કપૂર (Shraddha kapoor) દ્વારા હાલમાં જ તુમસે મિલકર ના જાને ક્યોં...ગીતને રિક્રિએટ કરવામાં આવ્યું હતું. હકીકતમાં બોલિવૂડના ટોચના એક્ટર્સ મિથુન ચક્રવર્તી અને ધર્મેન્દ્ર ડાન્સ રિયાલિટી શો ડાન્સ પ્લસ 5 (Dance Plus 5)ના સેટ પર હાજર હતી. ટાઇગર શ્રોફ અને શ્રદ્ધા કપૂર પોતાની ફિલ્મ બાગી 3ને પ્રમોટ કરવા પહોંચ્યા હતા. આ શોના ફિનાલેમાં મિથુન અને શ્રદ્ધાએ તુમસે મિલકર ના જાને ક્યોં...પર ડાન્સ કર્યો હતો. આ વીડિયો સોશિયલ મીડિયામાં વાયરલ થઈ રહ્યો છે.

તુમસે મિલકર ના જાને ક્યોં...ગીત 1985માં આવેલી ફિલ્મ પ્યાર ઝુકતા નહીંનું છે. આ ફિલ્મમાં મિથુન અને પદ્મિની કોલ્હાપુરી લીડ રોલમાં હતા. પદ્મિની રિયલ લાઇફમાં શ્રદ્ધા કપૂરની માસી છે. વાયરલ વીડિયોમાં લોકોને મિથુન અને શ્રદ્ધાની જોડી બહુ પસંદ પડી છે.