PM Modi ને પસંદ પડી બોલિવુડ ફિલ્મ The Kashmir Files, ફિલ્મની ટીમે કરી મુલાકાત

નવી દિલ્હી: બોલિવુડ ફિલ્મ 'ધ કાશ્મીર ફાઈલ્સ' ને અનેક રાજ્યોમાં વિરોધનો સામનો કરવો પડી રહ્યો છે. બીજી બાજુ અનુપમ ખેર સ્ટાર ફિલ્મ ધ કાશ્મીર ફાઈલ્સને ઘણો સારો પ્રતિભાવ મળી રહ્યો છે. 

ફિલ્મના દર્શકો વિવેક અગ્નિહોત્રીના નિર્દેશનમાં બનેલી આ ફિલ્મની ચારેબાજુ પ્રશંસા થઈ રહી છે. પરંતુ હાલ જાહેર જનતા નહીં, પરંતુ ખુદ પ્રધાનમંત્રી નરેન્દ્ર મોદીને પણ આ ફિલ્મ ખુબ જ પસંદ પડી છે. તેમણે ફિલ્મની ટીમ સાથે મુલાકાત કરી અને તેમને શુભેચ્છા પણ પાઠવી છે.

ધ કાશ્મીર ફાઈલ્સના પોડ્યૂસર અભિષેક અગ્રવાલે પીએમ મોદીની સાથે ટીમનો એક ફોટો શેર કર્યો છે. ડાયરેક્ટર વિવેક અગ્ર્નિહોત્રીએ આ તસવીરોને શેર કરતા લખ્યું, હું ખુબ જ ખુશ છું કે અભિષેકે ભારતના આ પડકારજનક ભરેલી હકીકતને દેખાડવાની હિંમત કરી. યુએસએમાં #TheKashmirFilesનું સ્ક્રીનીંગથી નરેન્દ્ર મોદીના નેતૃત્વ પ્રત્યે વિશ્વના વલણને બદલવામાં ફાયદાકારક સાબિત થયું.

મોદીને પસંદ પડી ફિલ્મ
જ્યારે પ્રોડ્યૂસર અભિષેક અગ્રવાલે પીએમની સાથે ફોટો શેર કરીને લખ્યું છે, આદરણીય પ્રધાનમંત્રી શ્રી નરેન્દ્ર મોદી સાથે મુલાકાત કરવાનો સુખદ અનુભવ રહ્યો. #TheKashmirFiles માટે તેમની પ્રશંસા અને માયાળુ શબ્દો તેને વધુ ખાસ બનાવે છે. અમે અગાઉ ક્યારેય ફિલ્મ પ્રોડ્યુસ કરવામાં ગર્વ અનુભવ્યો નથી. આભાર મોદીજી...'