મ્યૂઝિક ડાયરેક્ટર વાજિદ ખાનનું મોડી રાત્રે નિધન, બોલીવુડમાં શોકનું મોજું ફરી વળ્યું

મુંબઇ: સલમાન ખાનની ફિલ્મ 'દબંગ' અને 'ટાઇગર જિંદા હૈ' જેવી હિટ ફિલ્મોનું સંગીત આપનાર બોલીવુડના મ્યૂઝિક ડાયરેક્ટર વાજિદ ખાનનું રવિવારે રાત્રે નિધન થઇ ગયું છે. છાતીમાં દુખાવાની ફરિયાદ બાદ તેમને હોસ્પિટલમાં ભરતી કરાવવામાં આવ્યા હતા. સૂત્રોના જણાવ્યા અનુસાર હાર્ડ એટેક આવતાં નિધન થયું છે.

વાજિદ ખાનના નિધનની પુષ્ટિ સિંગલ સલીમ મર્ચેંટએ સોશિયલ મીડિયા પર કરી હતી. તેમણે લખ્યું કે 'સાજિદ-વાજિદ ફેમ મારા ભાઇ વાજિદના નિધનના સમાચારથી મને ઉંડો આધાત છે. ભાઇ, તમે ખૂબ જલદી ગયા. આ આપણા કુંટુબના લોકો માટે મોટો આંચકો છે. હું તૂટી ગયો છું.''