જાહેર થયા 66મા રાષ્ટ્રીય પુરસ્કાર : બે ગુજરાતી ફિલ્મોએ મારી બાજી

નવી દિલ્હી : હાલમાં 66મા નેશનલ ફિલ્મ પુરસ્કારના વિજેતાઓની જાહેરાત કરવામાં આવી છે. આ વર્ષે આયુષ્યમાન ખુરાનાની અંધાધુનને બેસ્ટ હિન્દી ફિલ્મનો અવોર્ડ આપવામાં આવ્યો છે. આ સાથે જ ઉત્તરાખંડની ફિલ્મ ફ્રેન્ડલી રાજ્યને પણ પુરસ્કાર આપવામાં આવ્યો છે. શાસ્ત્રીભવનમાં પીઆઇબીએ આ અવોર્ડની જાહેરાત કરી છે. આ વિજેતાઓમાં બે ગુજરાતી ફિલ્મ રેવા અને હેલ્લારોને પણ સમાવેશ થાય છે. રેવાને બેસ્ટ ગુજરાતી ફિલ્મની કેટેગરીમાં તેમજ હેલ્લારોને બેસ્ટ ફિચર ફિલ્મની કેટેગરીમાં અવોર્ડ મળ્યો છે.