પ્રિયંકાના ઘરમાં આ યુવતીનો છે તેના જેટલો જ દબદબો, કારણ કે...

મુંબઈ : હોળીના તહેવારને આડે હવે ગણતરીના દિવસો બાકી રહ્યા છે ત્યારે બોલિવૂડની શરૂઆત થઈ ગઈ છે. શુક્રવારે ઈશા અંબાણીએ તેના ઘરે હોળી પાર્ટીનું આયોજન કર્યું હતું. જેમાં બોલિવૂડ સેલેબ્સે હાજરી આપી હતી. પ્રિયંકા ચોપરા પણ પતિ નિક જોનસ અને પરિવાર સાથે હોળી પાર્ટીમાં પહોંચી હતી. શનિવારે પ્રિયંકાએ પોતાના સોશિયલ મીડિયા અકાઉન્ટ પર હોળી પાર્ટી પહેલાની કેટલીક તસવીરો શેર કરી છે. જેમાં પતિ નિક, મમ્મી મધુ ચોપરા અને ભાઈ સિદ્ધાર્થ ચોપરા જોવા મળે છે. આ તસવીરમાં એક અન્ય ખુબસૂરત કન્યા પણ જોવા મળે છે અને ચર્ચા છે કે આ યુવતી નીલમ ઉપાધ્યાય એક્ટ્રેસ પ્રિયંકાના ભાઈની લેટેસ્ટ ગર્લફ્રેન્ડ છે.

ગયા વર્ષે સિદ્ધાર્થના ઈશિતા કુમાર સાથેના લગ્ન ફોક થયા હતા. લગ્નના થોડા જ દિવસ બાકી હતા ત્યારે જ લગ્ન રદ કરવાનો નિર્ણય લેવાયો હતો. એક ઈન્ટરવ્યૂમાં મધુ ચોપરાએ કહ્યું હતું કે, તેમનો દીકરો લગ્ન માટે તૈયાર ન હોવાથી બંધ રાખ્યા હતા.