નીતૂ કપૂરે પોસ્ટ શેર કરી ડોક્ટરો અને હોસ્પિટલ સ્ટાફનો માન્યો આભાર

નવી દિલ્હીઃ દિવંગત અભિનેતા ઋષિ કપૂર (Rishi Kapoor)ની પુત્રી રિદ્ધિમા કપૂર સાહનીએ ઇન્સ્ટાગ્રામ પર એક જૂનો ફોટો શેર કર્યો છે. તસવીરમાં ઋષિ અને નીતૂ સફેદ ટીશર્ટ અને બ્લૂ જીન્સમાં ટ્યૂનિંગ કરતા જોવા મળી રહ્યાં છે. આ સાથે ઋષિ કપૂરની પત્ની નીતૂ કપૂરે પણ ઇન્સ્ટાગ્રામ પર એક ફોટો શેર કર્યો છે. નીતૂ કપૂરે ઋષિ કપૂરના ગયા બાદ એક પોસ્ટમાં ડોક્ટરો અને હોસ્પિટલનો આભાર વ્યક્ત કર્યો છે. 

નીતૂએ ઇન્સ્ટાગ્રામ પર ઋષિ કપૂરના બે ફોટો શેર કર્યાં છે. આ સાથે તેમણે કેપ્શનમાં લખ્યું, 'એક પરિવારના નાતે આ એક મોટી ખોટ છે. જ્યારે અમે સાથે બેસીને જૂના સમયને યાદ કરીએ તો અમે ડોક્ટરો પ્રત્યે આભાર અનુભવીએ છીએ. એચએન રિલાયન્સના ડોક્ટરોએ અમારી ખુબ મદદ કરી. ડોક્ટર તરંગના નેતૃત્વમાં ડોક્ટરો અને નર્સની આખી ટીમે મારા પતિની સારવાર તે રીકે કરી કે તે પોતાના હોય. તેમણે અમને પોતાના સમજીને સલાહ આપી. આ બધા માટે હું દિલથી રિલાયન્સ હોસ્પિટલની આભારી છું.'