Prabhu Deva એ ભાણેજ નહીં પરંતુ આ મહિલા સાથે કર્યા લગ્ન, જાણો ક્યાં થઈ મુલાકાત

નવી દિલ્હીઃ પ્રભુ દેવા  (Prabhu Deva)એ મુંબઈમાં રહેતી ફિઝિયોથેરિપિસ્ટ ડો. હિમાની (Dr. Himani)ની સાથે મે મહિનામાં લૉકડાઉન દરમિયાન ચોરી-છુપીથી લગ્ન કરી લીધા છે. હિમાની મુંબઈના સાકીનાકા વિસ્તારમાં રહે છે અને આ લગ્ન ચેન્નઈમાં સંપન્ન થયા હતા. 

બંન્નેની મુલાકાત તે સમયે થઈ, જ્યારે પ્રભુ દેવાની ડો. હિમાની પાસે તેની પીઠ અને પગની સારવાર ચાલી રહી હતી. ટાઇમ્સ ઓફ ઈન્ડિયાના એક રિપોર્ટ અનુસાર આ વર્ષે માર્ચમાં બંન્ને ચેન્નઈ પહોંચ્યા અને લગ્ન પહેલા બે મહિનાના લૉકડાઉનમાં લિવ-ઇન રિલેશનશિપમાં રહ્યા હતા. 

લગ્ન પ્રભુ દેવાના ઘરે સંપન્ન થયા હતા, જ્યાં માત્ર નજીકના લોકો હાજર રહ્યા હતા. લગ્નના સમાચારની પુષ્ટિ કરતા પ્રભુ દેવાના મોટા ભાઈ રાજૂ સુંદરમે ઈટાઈમ્સને જણાવ્યુ, 'વેલ, તમારી પાસે માહિતી છે. અમે પ્રભુ દેવાના લગ્નને લઈને ખુશ છીએ.'

પ્રભુદેવાના આ બીજા લગ્ન છે. તેના પ્રથમ પત્ની સાથે છુટાછેડા થઈ ચુક્યા છે. પત્ની રામલથા  (Ramlatha) સાથે છુટાછેડા બાદ તેના સંબંધોની ચર્ચાઓ સાઉથની ઘણી અભિનેત્રીઓ સાથે થઈ હતી. પાછલા દિવસોમાં સમાચાર આવ્યા હતા કે પ્રભુદેવા પોતાની ભાણેજની સાથે લગ્ન કરવાના છે. બાદમાં તે સ્પષ્ટ થયું કે આ સમાચાર સાચા નથી.