Entertainment News : પ્રિયંકાએ માતા બનવાના સવાલનો આપ્યો જવાબ, કહ્યું કે...

મુંબઈ : સેલ્ફ આઇસોલેશન દરમિયાન સ્ટાર કપલ પ્રિયંકા ચોપડા (Priyanka Chopra) અને નિક જોનાસ (Nick Jonas) સોશિયલ મીડિયામાં તસવીરો અને વીડિયો શેયર કરે છે. આ દંપતિએ કોરોના વાયરસ (Coronavirus)ને કારણે સેલ્ફ આઇસોલેશનની પસંદગી કરી છે. હાલમાં તેમની તસવીરો સોશિયલ મીડિયામાં વાયરલ રહી છે. 

હાલમાં પ્રિયંકાએ DNAની વેબસાઇટ સાથેના એક ઇન્ટરવ્યૂમાં જણાવ્યું છે કે આ વર્ષે તે પોતાના કેટલાક પ્રોજેક્ટ્સમાં વ્યસ્ત છે પણ તેના માટે પરિવાર પણ મહત્વનો છે. પ્રિયંકાએ આ ઇન્ટરવ્યૂમાં સ્પષ્ટતા કરી છે કે તે બહુ જલ્દી માતા પણ બનવા ઇચ્છે છે. તેણે કહ્યું છે કે ભગવાનની કૃપા થશે ત્યારે બધું યોગ્ય સમયે થઈ જશે. 

પ્રિયંકાના આ નિવેદનથી સ્પષ્ટ થઈ જાય છે કે તે પોતાનો પરિવાર આગળ વધારવા ઇચ્છે છે. તેણે પોતાની ફિલ્મ ધ સ્કાઇ ઇઝ પિંકના પ્રમોશન વખતે પણ કહ્યું હતું કે હું જ્યારે 12 વર્ષની હતી ત્યારથી જ માતા બનવા ઇચ્છતી હતી. મને બાળકો બહુ પસંદ છે અને યોગ્ય સમય આવશે ત્યારે એ થઈ જશે.