Kamal Kishor Mishra: બીજી મહિલા સાથે કારમાં રોમેન્ટિક થઈ રહ્યા હતા પ્રોડ્યુસર, પત્નીએ પકડ્યા તો...

અનેકવાર સેલેબ્સના એવા એવા મામલા સામે આવે છે કે જેના પર વિશ્વાસ કરવો મુશ્કેલ થઈ જાય છે. ફેન્સ માટે પણ તે ચોંકાવનારું હોય છે. આવી જ એક ઘટના હાલ સામે આવી છે. જાણીતા પ્રોડ્યુસર કમલ કિશોર મિશ્રા પર આરોપ છે કે તેમણે તેમની પત્નીને મારી નાખવાની કોશિશ કરી. હાલ પોલીસે કમલ વિરુદ્ધ ફરિયાદ નોંધી છે અને આગળ તપાસ શરૂ કરી છે. રિપોર્ટ્સનું માનીએ તો પ્રોડ્યુસરને તેની પત્નીએ કોઈ અન્ય મહિલા સાથે કારમાં બેઠેલા જોયા હતા. ત્યારબાદ પ્રોડ્યુસરે પત્ની પર ગાડી ચડાવીને મારી નાખવાની કોશિશ કરી. 

ઘાયલ થયા છે પત્ની
કમલ કિશોર મિશ્રા પર આરોપ છે કે તેઓએ પોતાની કારથી વાઈફને ટક્કર મારી અને તેના પર ગાડી પણ ચડાવી. ત્યારબાદ પત્ની ગંભીર રીતે ઘાયલ છે. હાલ પોલીસે ફિલ્મ નિર્માતા કમલ કિશોર મિશ્રા વિરુદ્ધ પત્નીને વાહનથી કથિત રીતે ટક્કર મારવાના મામલે ફરિયાદ નોંધી છે.