નવી દિલ્હી: બોલિવૂડ એક્ટર રણબીર કપૂર અને આલિયા ભટ્ટના લગ્નની બધા લોકો આતુરતાથી રાહ જોઈ રહ્યા હતા. ત્યારે હાલ લગ્નની વિધિઓ શરૂ થઈ ગઈ છે. એવામાં સૌથી પહેલા પુજાની સાથે શરૂઆત કરવામાં આવી છે. લગ્નની રસ્મો પહેલા રાખવામાં આવેલી પુજામાં દિગ્ગજ અભિનેત્રી નીતૂ કપૂર પોતાની પુત્રી રિદ્ધિમા કપૂર અને ગ્રેંડ ડોટરની સાથે હાજરી આપવા પહોંચી. આ દરમિયાન પાપારાઝીએ તેમને જોયો અને તેમની તસવીરો અને વીડિયો સામે આવ્યા છે.


COMMERCIAL BREAK
SCROLL TO CONTINUE READING

મહેંદી ફંક્શનમાં ઢોલક અને લોક ગાયકોને આમંત્રણ આપવામાં આવ્યું હતું. સમારોહમાં ફક્ત પરિવારના સભ્યો, કરણ જોહર, અયાન મુખર્જી, મિત્ર આરતી શેટ્ટી હાજર હતા. મહેંદી સેરેમની માટે ખાસ લાલ અને પીળા રંગના મેરીગોલ્ડ ફૂલ ડેકોરેશન રાખવામાં આવ્યા હતા. મહેંદી વિધિ પૂર્ણ થયા બાદ મહેમાનોને ગણેશ પૂજાનો પ્રસાદ આપવામાં આવ્યો હતો. મહેંદી સેરેમનીમાં કરણ જોહર હોસ્ટ બન્યો હતો, જ્યારે અયાન આલિયાની પડખે ઊભો હતો.


મહેંદી ફંક્શનની તસવીરો તો આવી નથી, પરંતુ તેની ડિટેલ્સ જરૂરથી આવી ગઈ છે. રિપોર્ટસના મતે ફંક્શનમાં કરીના અને કરિશ્મા કપૂર, પોતાની થનાર નણંદ આલિયાની સાથે બેઠી છે. મહેંદી સેરેમનીમાં પંજાબી ટ્રેડિશનલ સોંગ અને બોલિવુડ મિક્સ સોંગ વાગી રહ્યા છે.


આલિયા ભટ્ટની મહેંદી સેરેમની થઈ ચુકી છે. તેની મહેંદી ડિઝાઈન ખાસ છે. આલિયાની મહેંદી ડિઝાઈનમાં નંબર 8નું કનેક્શન છે. તેની મહેંદી ઓર્ગેનિક મહેંદી છે. એક સૂત્ર એ જણાવ્યું છે કે આલિયાએ પોતાની મહેંદી માટે મહેંદી આર્ટિસ્ટને ખાસ ઈસ્ટ્રક્શન આપી છે. તેની મહેંદીમાં ઈનફિનિટી ડિઝાઈન હશે જે નંબર 8 હશે. નંબર 8ને તેની મહેંદીમાં યોગ્ય જગ્યાએ ફિટ કરવામાં આવે.


ટાઈટ સિક્યોરિટીની વચ્ચે શરૂ થઈ લગ્નની વિધિઓ
રણબીર કપૂર અને આલિયા ભટ્ટના લગ્ન ભવ્ય રીતે યોજાનાર છે એવામાં આ ઈવેન્ટ માટે સિક્યોરિટીની પુરેપુરી વ્યવસ્થા કરવામાં આવી છે. જાણવા મળી રહ્યું છે કે વીઆઈપી લોકોની સુરક્ષા માટે મોટા લેવલે વ્યવસ્થા ગોઠવવામાં આવી છે. ગેસ્ટની સાથે સાથે સિક્યોરિટી ગાર્ડ્સ માટે પણ અલગ બેંડ્સની તૈયારી કરવામાં આવી છે. જોકે, હાલ તેમના લગ્નની તસવીરો અને વીડિયોને આતુરતાપૂર્વક ચાહકો રાહ જોઈ રહ્યા છે.