બહેન રંગોલીએ કર્યો ખુલાસો, કંગના રનોતને ઘરે બોલાવી જાવેદ અખ્તરે આપી હતી ધમકી

નવી દિલ્હીઃ કંગના રનોત (Kangana Ranaut)ની બહેન રંગોલી ચંદેલ (Rangoli Chandel) પોતાની વાત સ્પષ્ટ રીતે રાખવા માટે જાણીતી છે. આજે રંગોલીએ એક ટ્વીટ કર્યું છે, જેમાં તેણે ચોંકાવનારો ખુલાસો કર્યો છે. રંગોલીએ લખ્યું છે કે જાવેદ અખ્તરે એકવાર કંગનાને ઘર પર બોલાવી અને પછી તેને રિતિક રોશનની માફી માગવા માટે ધમકાવી હતી. મહેશ ભટ્ટે કંગનાને ચપ્પલ ફેંકીને મારી હતી, જ્યારે તેણે એક આત્મઘાતી હુમલાખોરની ભૂમિકા ભજવવાની ના પાડી હતી. 

મહત્વનું છે કે આ પહેલા કંગનાની બહેન રંગોલીએ ગલી બોયમાં આલિયાના પાત્રને એવરેજ ગણાવ્યું હતું. તેના પર આલિયાએ કહ્યું હતું કે, મારે આ બધી વસ્તુમાં પડવું નથી. હું પોઝિટિવ રહેવા ઈચ્છુ છું અને મહેનતથી કામ કરવા ઈચ્છુ છું. હું દરરોજ મારામાં સુધાર કરવા ઈચ્છુ છું. દરેકને પોતાની વાત કરવાનો હક છે. 

જ્યારે આ મામલા પર મહેશ ભટ્ટ પાસે પ્રતિક્રિયા માગવામાં આવી તો તેમણે કંગનાને બાળકી કહેતા કંઇ બોલવાનો ઇનકાર કરી દીધો હતો. તેમણે કહ્યું હતું કે, કંગનાએ અભિનેત્રી તરીકે બોલીવુડમાં મારી પ્રોડક્શન કંપની વિશેષથી શરૂઆત કરી હતી. હું તેની વિરુદ્ધ કોઈ ટિપ્પણી કરીશ નહીં. તે બાળકી છે, જેણે અમારી સાથે શરૂઆત કરી છે. માત્ર તે માટે કે તેની સંબંધી (રંગોલી)એ મારા પર કોમેન્ટ કરી, હું કોઈ ટિપ્પણી નહીં કરુ.