પાર્ટીમાં રણવીરે ખોલી દીપિકાની પોલ, આ નામથી ચિઢાવે છે દુલ્હનને...

નવી દિલ્હી : દીપિકા-રણવીરના લગ્નને 10 દિવસ વીતી ચૂક્યા છે, પરંતુ લગ્નના સમારોહની લાંબી લાઈન લાગી છે. ઈટલીથી પરત ફર્યા બાદ આ કપલના લગ્નના ફોટોએ સોશિયલ મીડિયા પર ધૂમ મચાવી છે. એક બાદ એક લગ્નના વિવિદ ફંક્શનની તસવીરો સામે આવી રહી છે. શનિવારે રણવીરની બહેન રિતીકા  ભવનાનીએ કપલ માટે શાનદાર પાર્ટી આપી હતી. આ પાર્ટીમાં રણવીરે દીપિકાની એક પોલ ખુલ્લી પાડી હતી. 

રણવીરે મસ્ત મૂડમાં લોકોને કહી દીધું કે, તે પોતાની પત્નીને પ્રેમથી કયા નામથી બોલાવે છે. એટલું જ નહિ, આ પ્રસંગે આ કપલનો લુક પણ ચર્ચામાં રહ્યો હતો. કેમ કે, રણવીર ખલીબલી અંદાજમાં જોવા મળ્યો હતો, તો દીપિકાનો શાહી અંદાજ પણ કંઈ ઓછો ન હતો. 

મજાકની સાથે પ્રેમ પણ વ્યક્ત કર્યો
શનિવારે મોડી રાત સુધી ચાલેલી આ પાર્ટીમાં ડાન્સ કરતા રણવીર અને દીપિકાના અનેક વીડિયો ઈન્ટરનેટ પર છવાયા છે. પંરતુ હાલ એક નવો વીડિયો ચર્ચાનો વિષય બન્યો છે. જેમાં રણવીર પોતાની દુલ્હનની મસ્તી કરી રહ્યો છે. હકીકતમાં, બંનેએ પાર્ટીમાં અતરંગી આઉટફીટ પહેર્યા હતા. રણવીરે બધાની સામે કહ્યું હતું કે, મેં દુનિયાની સૌથી સુંદર યુવતી સાથે લગ્ન કરી લીધા છે. આ સમયે દીપિકા સ્ટેજ પર આવે છે, અને બોલે છે કે, અમે બંને બહુ જ અલગ છીએ. આ સમયે રણવીર દીપિકા સાથે હાથ મિલાવતા કહે છે કે, આ મારી પૂસી કેટ છે. બધાના આશ્ચર્ય વચ્ચે રણવીરે દીપિકાના હુલામણા નામની પોલ ખોલી નાખી હતી.  

પાર્ટીમાં રણવીરે ડિઝાઈનર મનીષ અરોડાએ ડિઝાઈન કરેલ કલરફુલ આઉટફીટ પહેર્યું હતું. તેણે ખલીબલી સ્ટાઈલની જેમ આંખમાં કાજલ અને ગળામાં હાર પહેર્યો હતો. તો દીપિકાએ સબ્યાસાચી મુખર્જીના કલેક્શનને રજૂ કર્યુ હતું.