Raveena Tandonનો આ Video થયો વાયરલ, જોવા મળી દિકરીની પણ એક ઝલક

નવી દિલ્હી: રવિના ટંડન (Raveena Tandon) 90ના દાયકામાં બોલિવૂડની ટોચની અભિનેત્રીઓની યાદીમાં હતી. વર્ષ 2015 પછી રવીનાએ ઓછી ફિલ્મો કરી હતી. પરંતુ રવિના ટંડન સોશિયલ મીડિયા પર ખૂબ જ એક્ટિવ છે. રવિના ટંડન ઈન્સ્ટાગ્રામ પર તેના બધા ફોટો વીડિયો શેર કરીને હેડલાઇન્સ બનાવે છે. રવિના ટંડન પણ લોકડાઉનમાં પરિવાર સાથે સમય વિતાવી રહી છે. હમણાં તેનો એક ટિકટોક વીડિયો વાયરલ થઈ રહ્યો છે. આ ટિકટોક વીડિયોમાં રવિના તેની પુત્રી રાશા સાથે જોવા મળી રહી છે. રવિના આ વીડિયોમાં પોતાની જાતને જબરદસ્ત સ્ટાઇલમાં બેબી કહેતી જોવા મળી રહી છે.

આ પણ વાંચો:- આયુષ્યમાન ખુરાનાનો શોકિંગ ખુલાસો, લીડ રોલ માટે મૂકાઈ હતી આ શરમજનક શરત

રવિના ટંડનનો આ ટિકટોક વીડિયો તેના ચાહકોને ખૂબ પસંદ આવી રહ્યો છે. વીડિયો શેર કરવા સાથે રવિનાએ લખ્યું છે, 'સ્માઇલ લાવવા માટે કેટલાક પ્રયત્નો'. રવિનાએ આ વીડિયો સાથે પુત્રી રાશાને ટેગ કરી લખ્યું, 'મારું બાળક અને મારું ટિકટોક રિંગ માસ્ટર.' રવિના ટંડન મોટાભાગના ટિકટોકનો વીડિયો તેની પુત્રી સાથે બનાવી શેર કરે છે. રાશાને જોતા લાગે છે કે તેનામાં પણ અભિનયના બધા ગુણો છે. તમને જણાવી દઈએ કે, રવિના ટંડન સોશિયલ મીડિયા પર તેના ફોટો વીડિયો શેર કરે છે એટલું જ નહીં, પરંતુ ઘણા સામાજિક મુદ્દાઓ પર પોતાનો અભિપ્રાય આપે છે.

રવિના ટંડનના અભિનય કારકીર્દિની વાત કરીએ તો તે વર્ષ 2019 માં સોનાક્ષી સિંહાની ફિલ્મ 'ખાનદાની શફાખાના'માં જોવા મળી હતી. તે જ સમયે, ટીવી પર પણ રવિના ખૂબ જ સક્રિય હતી. 'સબસે બડા કલાકાર' શો બાદ રવિના 'નચ બલિયે-9' ની જજ રહી ચૂકી છે. રવિનાના ચાહકો માટે ખુશખબર એ છે કે તે ટૂંક સમયમાં ફિલ્મ 'કેજીએફ 2' માં જોવા મળશે. યશની આ ફિલ્મમાં રવિના રાજકારણીની ભૂમિકા નિભાવતી જોવા મળશે. રવિનાએ આ સમયે ફિલ્મોથી અંતર બનાવી લીધું છે પરંતુ લાંબા વિરામ બાદ તે ફરી એક વખત કેજીએફ 2 સાથે બોલિવૂડ ઈન્ડસ્ટ્રીમાં વાપસી કરી રહી છે.