બર્થડે પહેલા જ `બોસ` તરફથી રણવીરને મળી સુપર્બ સેક્સી ગિફ્ટ, જુઓ PHOTO

મુંબઈ: રણવીર સિંહની નવી ફિલ્મ સિંબા હાલ ચર્ચામાં છે. આ ફિલ્મને રોહિત શેટ્ટી અને કરણ જૌહર પ્રોડ્યુસ કરી રહ્યાં છે. સિંબામાં રણબીર સિંહની સામે સૈફ અલી ખાનની પુત્રી સારા અલી ખાન છે. આ ઉપરાંત રણવીર સિંહ ઝોયા અખ્તરની ફિલ્મ ગલી બોયમાં પણ જોવા મળશે. હાલ રણવીર 6 જુલાઈ પોતાનો 33મો જન્મદિવસ મનાવવા જઈ રહ્યો છે. રણવીર ભલે આ ખાસ દિવસની રાહ જોઈ રહ્યો હોય પરંતુ રોહિત શેટ્ટીએ તો તેને હાલ જ ખુશખુશાલ કરી દીધો છે.

રોહિત શેટ્ટીએ રણવીર સિંહને એક મોંઘી ઘડિયાળ ગિફ્ટ કરી છે. આ ઘડિયાળ ફ્રેંક મલર્સ વેંગડ કલેક્શનની છે અને તેની કિંમત લગભગ 8 લાખ રૂપિયા છે. રણવીરે આ ઘડિયાળની એક તસવીર પણ ટ્વિટર પર શેર કરી છે. લખ્યું છે કે બોસ તરફથી બર્થડેની પહેલી ગિફ્ટ. આ મને મળેલી અત્યાર સુધીની સૌથી સેક્સી ઘડિયાળ છે.

અત્રે જણાવવાનું કે હાલ રણવીર સિંહ તેના અને દીપિકા પાદૂકોણના લગ્નને લઈને પણ ચર્ચામાં છે. આ જ વર્ષે તેઓ લગ્ન કરી  લેશે તેમ કહેવાઈ રહ્યું છે. બંને હાલ લગ્નની તૈયારીઓમાં વ્યસ્ત હોવાનું પણ ચર્ચાઈ રહ્યું છે.