સલમાનના મનમાં એશ માટે ભારોભાર કડવાશ! આ તસવીર છે પુરાવો

મુંબઇ : ફિલ્મમેકર સંજય લીલા ભણસાલીની આગામી ફિલ્મ ‘મલાલ’નું ટ્રેલર શનિવારના રોજ લોન્ચ કરવામાં આવ્યું. આ ફિલ્મમાં બે નવા ચહેરા જોવા મળશે. સંજય લીલા ભણસાલી આ ફિલ્મ થકી તેમની ભાણી શર્મિન સહગલ અને જાવેદ જાફરીના પુત્ર મિઝાન જાફરીને લોન્ચ કરી રહ્યા છે. આ ટ્રેલરમાં બંનેની કેમિસ્ટી ઉપરાંત બેકગ્રાઉન્ડ મ્યૂઝિક પણ શાનદાર છે. આ ફિલ્મ 28 જૂનના રોજ રિલીઝ થવા જઈ રહી છે. આ પ્રસંગે એક્ટર સલમાન ખાને પણ એક્ટ્રેસ શર્મિનનો બાળપણનો એક ફોટો શેર કર્યો છે.