એશ્વર્યા કે કેટરિના નહીં પરંતુ આ જાણીતી અભિનેત્રીને સલમાન ખાન બનાવવા માગતો હતો દુલ્હન

બોલિવુડની દુનિયામાં અનેક પ્રેમકહાની સફળ રહી તો ઘણી પ્રેમકહાની બોલિવુડની ડાયરીઓમાં કેદ થઈ ગઈ. ફિલ્મ ઈન્ડસ્ટ્રીની ઘણી પ્રેમ કહાનીઓ સમય પસાર થવાની સાથે આગળ ન વધી શકી. સલમાન ખાનની એશ્વર્યા રાય સાથેની પ્રેમકહાની અધૂરી રહી એ કોઈનાથી છૂપાયેલું નથી પરંતું બહુ ઓછા લોકો જાણતા હશે કે એકસમયે જૂહી ચાવલા માટે સલમાન ખાનનું દિલ ધબકતું હતું.

90ના દાયકામાં જુહી ચાવલાનો રહ્યો જલવો
90ના દાયકામાં અનેક સુપરહિટ ફિલ્મો આપનાર જૂહી ચાવલાની ઓળખ ચુલબુલી અભિનેત્રી તરીકેની હતી. જૂહી ચાવલાએ અનિલ કપૂર, ગોવિંદા, ઋષિ કપૂર, અનિલ કપૂર અને આમિર ખાન તથા શાહરૂખ ખાન સાથે કામ કર્યુ છે. જૂહી ચાવલાએ બોલિવુડના દબંગ સલમાન ખાન સાથે હજી સુધી સિલ્વર સ્ક્રીન પર જોડી બનાવી નથી.

જૂહી ચાવલા અને આમિર ખાનની જોડી સિલ્વર સ્ક્રીન પર લોકોએ ખૂબ પસંદ કરી. ઘણા ફેન્સની ઈચ્છા રહી કે સિલ્વર સ્કીન પર સલમાન અને જૂહીની જોડી જોવા મળે. 'કોફી વિથ કરણ'માં સાથે કામ ન કરવાની વાતનો ખુલાસો કર્યો. 'મને સાથે કામ કરવામાં કોઈ વાંધો નહોતો, પરંતું સલમાન ખાનના મગજમાં હજી તે વાત છે, જે કદાચ ભૂલી શક્યા નહીં'  જૂહીએ વધુમાં એમ પણ કીધુ હતું કે, 'આ વાત સલમાને કદાચ જાહેર કરેલી છે, મને એવું કઈ થયું હોય તે યાદ નથી'..

સલમાન જૂહી ચાવલા સાથે કરવા માગતો હતો લગ્ન
તમને જાણીને નવાઈ લાગશે કે સલમાન ખાન એકસમયે જૂહી ચાવલા સાથે લગ્ન કરવા માગતા હતા. જૂહી ચાવલા માટે પણ સલમાન ખાનનું દિલ ધડક્યુ હતું. તે સમયે કહેવાતું હતું કે સલમાન ખાન જૂહી ચાવલા સાથે લગ્ન કરવા માગતો હતો જેથી જૂહી ચાવલાના પિતા સાથે તેનો હાથ માગવા પણ ગયો હતો. જૂહી ચાવલાના પિતાએ સલમાનનો લગ્ન માટેનો પ્રસ્તાવ ઠુકરાવી દીધો હતો. સલમાન ખાને કોઈ ઈન્ટરવ્યૂમાં આ વાતનો ખુલાસો કર્યો હતો. સલમાને વધુમાં કહ્યુ હતું કે- 'કદાચ તેના પિતાના મતે તે જૂહી ચાવલા માટે યોગ્ય નથી'

સલમાન ખાન જૂહી ચાવલા ભલે ઓનસ્ક્રીન જોડી તરીકે જોવા મળ્યા નથી પરંતું અનિલ કપૂર-ગોવિંદા અને જૂહી ચાવલા સ્ટારર ફિલ્મ 'દિવાના મસ્તાના' ફિલ્મમાં સલમાન ખાને ગેસ્ટ અપિરિયન્સ કર્યો હતો.

જૂહી ચાવલા માટે એવું કહેવાય છે કે તે પહેલી મોડલ હતી જે બોલિવુડમાં અભિનેત્રી બની અને તેને આટલી સફળતા મળી. જૂહી ચાવલાએ વર્ષ 1984માં 'મિસ ઈન્ડિયા'નો ખિતાબ મેળવ્યો. આ સાથે જૂહી વર્ષ 1984મા મિસ યુનિવર્સ બેસ્ટ કોસ્ટ્યૂમનો અવોર્ડ જીતી ચૂકી છે.