Shah Rukh Khan Photos: પૂરી થઈ શાહરૂખ ખાનના ફેન્સની ઈદ, અભિનેતાએ મન્નતની બહાર આવી આપી શુભેચ્છા

મુંબઈઃ બોલીવુડના કિંગ ખાન દર વખતે ઈદ પર ફેન્સની ઈચ્છા પૂરી કરે છે. શાહરૂખ ખાને ઈદ પર પોતાના ઘર મન્નતની બહાર આવી ફેન્સનું અભિવાદન કર્યું છે. પોતાના દર વર્ષના રિવાજને શાહરૂખે આ વર્ષે પણ પૂરો કર્યો છે. બકરીદ પર શાહરૂખ પોતાના નાના પુત્ર અબરામ સાથે બાલકનીમાં આવ્યો અને ફેન્સનું અભિવાદન કર્યું હતું. શાહરૂખની આ તસવીરો સોશિયલ મીડિયા પર વાયરલ થઈ રહી છે. 

ઈદના તહેવાર પર શાહરૂખ ખાનની એક ઝલક મેળવવા માટે હજારો ફેન્સ તેના ઘરની બહાર ભેગા થાય છે. આ વર્ષે પણ મોટી સંખ્યામાં લોકો મન્નતની બહાર ભેગા થયા અને શાહરૂખ ખાને ફેન્સની ઈચ્છા પૂરી કરી છે. ફેન્સ ભલે દૂરથી પણ પોતાના સુપરસ્ટારને મળી શક્યા.