બોલીવુડ સિંગર Shreya Ghoshal માતા બની, સોશિયલ મીડિયા પર આપી જાણકારી

નવી દિલ્હીઃ શ્રેયા ઘોષાલ માતા બની છે. તેણે પુત્રને જન્મ આપ્યો છે. બોલીવુડ સિંગરે શનિવારે બપોરે પુત્રને જન્મ આપ્યો છે. તેણે સોશિયલ મીડિયા પર આ ખુશખબર આપી છે. ત્યારબાદ તેના ફેન્સ શુભેચ્છાઓ આપી રહ્યા છે. ગાયિકા શ્રેયા ઘોષાલ અને પતિ શિલાદિત્ય માતા-પિતા બની ગયા છે. 

શ્રેયાએ ઇન્સ્ટાગ્રામ પર એક પોસ્ટ કરી આ જાણકારી આપી હતી. તેણે લખ્યું કે- ભગવાનના આશીર્વાદથી  એક અણમોલ પુત્રનો જન્મ બપોરે થયો છે. આવી ભાવના મને પહેલા ક્યારેય થઈ નથી. શિલાદિત્ય અને હું, અમારા પરિવારમાં બધા ખુશ છે. તમારા બધાની શુભેચ્છા માટે આભાર. ત્યારબાદ અનેક લોકો શ્રેયા ઘોષાલને શુભેચ્છા આપી રહ્યાં છે. ગાયિકા નીતિ મોહને લખ્યું- ખુબ ખુબ શુભકામનાઓ. આ ખુશીના સમાચાર છે. હું આશા કરુ છું કે તમે અને બેબી સ્વસ્થ હશો. 

આ સિવાય શ્રેયા રિયાલિટી શોમાં પણ જોવા મળતી હોય છે. તે ઘણા શોમાં જજ રહી ચુકી છે. તે ખાનગી શો પણ કરી ચુકી છે.