Sushant Singh Rajput ની બહેને શેર કરી ભાઈની છેલ્લી પોસ્ટ, કહી આ વાત

નવી દિલ્હીઃ પાછલા વર્ષે બોલીવુડ અભિનેતા સુશાંત સિંહ રાજપૂત (sushant singh rajpoot) ના નિધને બધાને ચોંકાવી દીધા હતા. સુશાંત સિંહ રાજપૂતને તેના પરિવારજનો, મિત્રો અને ફેન્સ હજુ ભૂલી શક્યા નથી. તેનો નજારો સોશિયલ મીડિયા પર જોવા મળતો રહે છે. ક્યારેક કોઈ ટ્રેન્ડ દ્વારા તો ક્યારેક સુશાંત માટે ન્યાય માંગતા. હવે હાલમાં સુશાંતની બહેન શ્વેતા સિંહ કીર્તિએ એકવાર ફરી પોતાના ભાઈને યાદ કર્યો છે. 

સુશાંત સિંહ રાજપૂતની બહેન શ્વેતા સિંહ કીર્તિ સોશિયલ મીડિયા પર એક્ટિવ રહે છે. સુશાંતના નિધન બાદ તેની બહેનને પણ ઘણા લોકો ફોલો કરી રહ્યા છે. શ્વેતા પણ સોશિયલ મીડિયા દ્વારા પોતાના ભાઈ માટે ન્યાયની માંગ કરતી રહે છે. તેણે હાલમાં સુશાંતની છેલ્લી ઇન્સ્ટાગ્રામ પોસ્ટ શેર કરી તેને યાદ કર્યો છે. 

શ્વેતાની આ પોસ્ટે સુશાંતના ફેન્સને ઇમોશનલ કરી દીધા છે. આ પોસ્ટમાં તેના ભાઈને ક્યારેય ન જોવાનું દુખ છલકી રહ્યું છે. તો સુશાંતના ફેન્સ પણ શ્વેતાની પોસ્ટ પર પોતાની પ્રતિક્રિયા આપી રહ્યાં છે. કોઈ આ પોસ્ટ પર શ્વેતાને સાંત્વના આપી રહ્યાં છે તો કોઈ ભાવુક થઈ રહ્યાં છે.