ડિવોર્સના 2 વર્ષ પછી મલાઇકા-અરબાઝના દીકરા અરહાન વિશે મોટો ખુલાસો

મુંબઈ : અરબાઝ ખાન અને મલાઇકા અરોરાના ડિવોર્સ હંમેશા ચર્ચાનો મુદ્દો રહ્યો છે. અરબાઝ અને મલાઇકાના ડિવોર્સને બે વર્ષ થઈ ગયા છે. આ મુદ્દે આ બંનેમાંથી કોઈ જાહેરમાં વાત નથી કરી. જોકે હાલમાં મલાઇકાએ પોતાની બેસ્ટ ફ્રેન્ડ અને બોલિવૂડ એક્ટ્રેસ કરીના કપૂરના ચેટ શોમાં પોતાના ડિવોર્સ વિશે દિલ ખોલીને વાત કરી છે. 

મલાઇકા અને અરબાઝના ડિવોર્સ પછી દીકરા અરહાનની કસ્ટડી મલાઇકા પાસે જ છે. આ શો દરમિયાન અરહાન વિશે વાત કરતા મલાઇકાએ કહ્યું છે કે 'અરહાને ડિવોર્સનો સ્વીકાર કરી લીધો છે. હવે તે પોતાના માતા-પિતાના વર્તનમાં બદલાવ જોઈ રહ્યો છે. જ્યારે મારા અને અરબાઝના ડિવોર્સ થયા ત્યારે અરહાને મને કહ્યું કે હવે તમે બહુ ખુશ લાગો છો જે મને ગમે છે.'

મલાઇકા બોયફ્રેન્ડ અર્જુન કરતા બાર વર્ષ મોટી છે. તે ડિવોર્સી છે અને પહેલાં પતિ અરબાઝથી તેને 16 વર્ષનો દીકરો અરહાન પણ છે. હવે અર્જુન અને મલાઇકાના ગુંચવાડાભર્યા પ્રેમપ્રકરણમાં મલાઇકાના દીકરા અરહાનની એન્ટ્રી થઈ છે. હાલમાં અર્જુન અને મલાઈકાને મુંબઈના બાંદરા વિસ્તારમાં આવેલી એક રેસ્ટોરન્ટમાં લંચ કરીને પરત ફરતી વખતે કેમેરામાં ક્લિક થયા હતા. આ વખતે તેમની સાથે મલાઈકાનો પુત્ર અરહાન ખાન પણ હતો. મલાઈકા અને અર્જુનની વધતી નિકટતાઓ અંગે સલમાન ખાનની નારાજગીની વાતો પણ સામે આવી ચૂકી છે. બીજી તરફ એવી પણ ચર્ચા છે બંને ટૂંક સમયમાં લગ્ન કરવાના છે.