Sonu Sood Tweet: સોનૂ સૂદે ટ્રેનમાં કરી એવી ભૂલ કે રેલવેએ કરી ટકોર, અભિનેતાએ માંગી માફી

નવી દિલ્હીઃ Sonu Sood Apologises To Northern Railway: બોલીવુડ એક્ટર સોનૂ સૂદ એક્ટિંગ જ નહીં પરંતુ લોકોની મદદ કરવા માટે પણ જાણીતો છે. તાજેતરમાં તેણે પોતાનો એક વીડિયો શેર કર્યો હતો, જેમાં તે ટ્રેનના ગેટ પર બેસીને સફર કરતો જોવા મળ્યો હતો. હવે રેલવે પ્રશાસને સોનૂ સૂદના વીડિયો પર રિએક્શન આપતા નારાજગી વ્યક્ત કરી હતી. ત્યારબાદ સોનૂ સૂદે સોશિયલ મીડિયા પર એક પોસ્ટ શેર કરી રેલવેની માફી માંગી છે.

રેલવેએ સોનૂ સૂદના વીડિયો પર નારાજગી વ્યક્ત કરી
ઉતર રેલવેએ સત્તાવાર ટ્વિટર એકાઉન્ટ પર સોનૂ સૂદનો વીડિયો રી-ટ્વીટ કરતા લખ્યું- પ્રિય સોનૂ સૂદ, દેશ અને દુનિયાના લાખો લોકો માટે તમે એક આદર્શ છો. ટ્રેનના દરવાજા પર બેસી યાત્રા કરવી ખતરનાક છે. આ પ્રકારના વીડિયોથી તમારા પ્રશંસકોને ખોટો સંદેશ જઈ શકે છે. મહેરબાની કરી આમ ન કરો. સુગમ અને સુરક્ષિત યાત્રાનો આનંદ ઉઠાવો.