કોન બનેગા કરોડપતિનો કાર્યક્રમ જાહેર, જાણો કેટલા વાગે અને ક્યારથી ટીવી પર આવશે KBC-13

નવી દિલ્હીઃ ટીવી ક્વિઝ શો 'કોન બનેગા કરોડપતિ' (kaun banega crorepati) ની અનેક લોકો રાહ જોતા હોય છે. તેમાં દરેક વ્યક્તિ પોતાનું ભાગ્ય અજમાવે છે. તેની પાછળ કારણ મોટી રકમ જીતવાનું તો છે સાથે લોકો અમિતાભ બચ્ચનને નજીકથી મળવા ઈચ્છે છે. હવે દર્શકોનો ઇંતજાર પૂરો થયો. કોન બનેગા કરોડપતિ 13'  (KBC) નું ટેલીકાસ્ટ 23 ઓગસ્ટથી સોની ટીવી પર શરૂ થઈ જશે. કેબીસી વીકમાં પાંચ દિવસ એટલે કે સોમવારથી શુક્રવાર રાત્રે 9 કલાકે પ્રસારિત થશે. આ વાતની જાણકારી સોની એન્ટરટેઇનમેન્ટ ટેલીવિઝને પોતાના સોશિયલ મીડિયા હેન્ડલ પર પ્રોમો શેર કરતા કરી છે. 

23 ઓગસ્ટ, રાત્રે 9 કલાકથી માત્ર સોની પર
કરોડપતિનો નવો પ્રોમો અલગ અંદાજમાં રિલીઝ કરવામાં આવ્યો છે. જે લોકોને ખુબ પસંદ આવી રહ્યો છે. પ્રોમોનો જે પાર્ટ શેર કરવામાં આવ્યો છે તે તેનો ત્રીજો પાર્ટ છે. તેને શેર કરતા કેપ્શનમાં લખવામાં આવ્યું છે કે પાર્ટ એક અને બે પર જબરદસ્ત પ્રતિક્રિયા માટે ધન્યવાદ. હવે અમે તમારા માટે ત્રીજો પાર્ટ  #KBCFilmSammaanPart3 ની ફાઇન સિરીઝ શેર કરી રહ્યાં છીએ. 23 ઓગસ્ટ, રાત્રે 9 કલાકે માત્ર સોની પર.