Aryan Khan ને જામીન મળતા પાર્ટી કરવા પહોંચી બહેન સુહાના ખાન, વાયરલ થયો ફોટો

નવી દિલ્હીઃ શાહરૂખ ખાનનો પુત્ર આર્યન ખાન આખરે ઘરે પહોંચી ગયો છે. આર્યનના ઘર પહોંચ્યા બાદ ખાન પરિવારમાં ખુશીનો માહોલ છે. ભાઈ ઘરે આવ્યો તો બહેન સુહાના પણ ખુબ ખુશ છે અને તે પાર્ટી મનાવવા પહોંચી ગઈ છે. તેના ફોટો સોશિયલ મીડિયા પર ઝડપથી વાયરલ થઈ રહ્યાં છે. 

સુહાનાની પાર્ટી
લાંબા સમયથી જેલમાં બંધ બોલીવુડ સ્ટાર શાહરૂખ ખાનના પુત્ર આર્યન ખાન (Aryan Khan) ને આખરે જામીન મળી ગયા છે. આર્યનના જામીન બાદ શાહરૂખ ખાન અને પત્ની ગૌરી ખાન ખુબ ખુશ છે. તો આર્યન જેલથી બહાર આવતા શાહરૂખની પુત્રી અને આર્યનની બહેન સુહાના ખાન (Suhana Khan) ન્યૂયોર્કમાં જશ્ન મનાવી રહી છે. સુહાના આ સમયે ન્યૂયોર્કમાં છે. હાલમાં તે પોતાના દોસ્તો સાથે હૈલોવીન મનાવતી જોવા મળી હતી. 

સોશિયલ મીડિયાથી દૂર હતી સુહાના
આખરે ઘણા સમય બાદ સુહાના સોશિયલ મીડિયા પર જોવા મળી છે. તેના ભાઈની ડ્રગ્સ કેસમાં મુંબઈમાં ધરપકડ થયા બાદ તે સોશિયલ મીડિયાથી દૂર હતી. તેણે આ મહિને પોતાના એકાઉન્ટમાં માત્ર ત્રણ પોસ્ટ કરી છે. પહેલા શાહરૂખ અને ગૌરીને તેના લગ્નની 30મી વર્ષગાંઠ પર શુભેચ્છા આપવા માટે, બીજુ આર્યનને જામીન મળ્યા બાદ જશ્ન મનાવતા ત્રીજી પોસ્ટ પોતાની મિત્ર અનન્યા પાંડેને જન્મદિવસની શુભેચ્છા આપવા માટે કરી હતી.