આ ​​ડાયરેક્ટરની ઓફિસે પહોંચી શાહરૂખ ખાનની લાડલી, કેટલી સાચી છે બોલિવૂડ ડેબ્યૂની ચર્ચા?

નવી દિલ્હીઃ બોલિવૂડના કિંગ શાહરૂખ ખાન (Shah Rukh Khan) ની પુત્રી સુહાના ખાન (Suhana Khan) ની લોકપ્રિયતા કોઈ અભિનેત્રીથી ઓછી નથી. સોશિયલ મીડિયા પર તેની મજબૂત ફેન ફોલોઈંગ છે. સુહાના છેલ્લા ઘણા દિવસોથી તેના બોલિવૂડ ડેબ્યુને લઈને ચર્ચામાં છે. હવે સુહાનાની કેટલીક તસવીરો સામે આવી છે, જેના કારણે તેના બોલિવૂડમાં આવવાની ચર્ચા ફરી એકવાર તેજ થઈ ગઈ છે.

સુહાના ખાનની તસવીરો થઈ વાયરલ
વાસ્તવમાં, સુહાના ખાન (Suhana Khan) શુક્રવારે રાત્રે ફિલ્મમેકર ઝોયા અખ્તરની ઓફિસની બહાર જોવા મળી હતી, જેની તસવીરો ઇન્ટરનેટ પર વાયરલ થઈ રહી છે. આ દરમિયાન સુહાના ખાને પોતાની ડ્રેસિંગ સ્ટાઈલથી ફેન્સને દિવાના બનાવી દીધા હતા. વ્હાઈટ ટેન્ક ટોપ અને કાર્ગો પેન્ટમાં સુહાના ખાન ખૂબ જ ગ્લેમરસ લાગી રહી હતી.