Taali First Look: ટ્રાન્સજેન્ડરના રોલમાં જોવા મળશે સુષ્મિતા સેન, `તાલી`નો દમદાર લુક આવ્યો સામે

નવી દિલ્હીઃ Shreegauri Sawant: પોતાની રિલેશનશિપને કારણે થોડા સમય પહેલા ચર્ચામાં આવેલી સુષ્મિતા સેન (Sushmita Sen) સોશિયલ મીડિયા પર હવે પોતાના નવા લુકને કારણે ચર્ચામાં છે. સુષ્મિતા સેને પોતાની નવી વેબ સિરીઝનો પ્રથમ લુક જાહેર કરી દીધો છે. આ લુકમાં સુષ્મિતા સેન ટ્રાન્સજેન્ડરના લુકમાં જોવા મળવાની છે. અભિનેત્રીનો આ લુક સોશિયલ મીડિયા પર ઝડપથી વાયરલ થઈ રહ્યો છે, જેમાં તે બે હાથથી તાળી વગાડતી જોવા મળી રહી છે. અભિનેત્રીનો આ લુક દમદાર છે અને લોકોનું ધ્યાન ખેંચી રહ્યો છે. 

શ્રીગૌરી સાવંતનો રોલ નિભાવશે
સુષ્મિતા સેને પોતાની આ વેબ સિરીઝનો પ્રથમ લુક સોશિયલ મીડિયા પર રિલીઝ કર્યો છે. જેમાં સુષ્મિતા સેન લાલ કલરનો મોટો ચાંદલો, રેડ લિપસ્ટિક લગાવી બંને હાથથી તાળી વગાડતી જોવા મળી રહી છે. આ ફોટો શેર કરતા સુષ્મિતાએ કેપ્શનમાં લખ્યું- 'તાલી... બઝાઉંગી નહીં બઝવાઉંગી'. પ્રથમ લુક શ્રીગૌરી સાવંત તરીકે. હું આ અદ્ભુત વ્યક્તિત્વની ભૂમિકા ભજવીશ અને તેની વાર્તા આખી દુનિયાની સામે લાવીશ તેનાથી વધુ હું ગર્વ અનુભવી શકતો નથી.

આર્યામાં જોવા મળી હતી
આ પહેલા ગૌરી સાવંત 'આર્યા' વેબ સિરીઝમાં જોવા મળી હતી. આ વેબ સિરીઝમાં સુષ્મિતાએ આર્યાની ભૂમિકા ભજવી હતી. તેની ત્રણ સીઝન રિલીઝ થઈ ચુકી છે અને ચોથી સીઝનની દર્શકો રાહ જોઈ રહ્યાં છે.