VIDEO : `દબંગ 3`નું ગીત મુન્ના બદનામ હુઆનું ટીઝર રિલીઝ થતા જ વાયરલ

મુંબઈ : સલમાન ખાન (Salman Khan)ની ફિલ્મ દબંગ 3 બહુ જલ્દી રિલીઝ થવાની છે. આ ફિલ્મનું ખાસગીત મુન્ના બદનામ હુઆનું ટીઝર જાહેર થયું છે. આ ગીતના ટીઝરમાં સલમાન પોતાની દબંગ સ્ટાઇલમાં જોવા મળ્યો છે. આ ગીતમાં સલમાન સાથે વારીન હુસૈનની જોડી જોવા મળી છે અને લોકોને આ ગીતની ઝલક બહુ પસંદ પડી છે. આ ગીતમાં બાદશાહના રેપ સાથે ચુલબુલ પાંડેનો અંદાજ જોવા મળ્યો છે. આ ટીઝરને શેયર કરીને સલમાને લખ્યું છે કે ''કમાલ ખાનનો અવાજ, બાદશાહનો રેપ તેમજ ચુલબુલ પાંડેની દબંગાઈ, સાંભળો મુન્ના બદનામ હુઆ.''

સલમાનની આગામી ફિલ્મ દબંગ 3ને પ્રભુદેવાએ ડિરેક્ટ કરી છે. આ ફિલ્મમાં કિચ્ચા સુદીપ, સોનાક્ષી સિંહા તેમજ સાઇ માંજરેકર જેવા કલાકારો મહત્વનો રોલ કરી રહ્યા છે. હાલમાં સલમાન આ ફિલ્મનો પુરજોશમાં પ્રચાર કરી રહ્યો છે.