ફેમસ ટીવી એક્ટરનું 35 વર્ષની વયે અચાનક મોત, આત્મહત્યા કરી હોવાની ચર્ચા

Nitin Chauhan Death : નાના પડદાના પ્રખ્યાત ટીવી એક્ટર નીતિન ચૌહાણનું અચાનક નિધન થયું છે. નીતિનના નિધનથી ટીવી ઈન્ડસ્ટ્રીમાં શોકનો માહોલ જોવા મળ્યો. નીતિને માત્ર 35 વર્ષની ઉંમરે દુનિયાને અલવિદા કહી દીધું છે. નીતિન 'સ્પ્લિટ્સવિલા 5' અને 'ક્રાઈમ પેટ્રોલ'માં પણ જોવા મળ્યો હતો.

વિભૂતિ ઠાકુરે માહિતી પોસ્ટ કરી
વિભૂતિ ઠાકુરે પોતાના ઈન્સ્ટાગ્રામ પર એક પોસ્ટ દ્વારા નીતિન ચૌહાણના નિધનની માહિતી આપી છે. આ પોસ્ટમાં અભિનેત્રીએ નીતિન સાથેનો પોતાનો એક ફોટો શેર કર્યો છે. પોસ્ટ શેર કરતી વખતે તેણે તેના કેપ્શનમાં લખ્યું છે કે રેસ્ટ ઇન પીસ માય ડિયર… સાંભળીને ખૂબ જ આશ્ચર્ય અને દુઃખ થયું. આ પોસ્ટ વાંચીને જ અન્ય સ્ટાર્સ પણ ચોંકી ગયા હતા. 

સ્પ્લિટ્સવિલા સીઝન 5 ના વિજેતા
વિભૂતિ ઠાકુરે પોતાની પોસ્ટમાં આગળ લખ્યું કે ભગવાન તમારી આત્માને શાંતિ આપે. તમને જણાવી દઈએ કે નીતિન ચૌહાણે રિયાલિટી શો 'દાદાગીરી 2' જીતીને લોકોના દિલમાં પોતાનું એક ખાસ સ્થાન બનાવ્યું હતું.