`Thalivi` First Look : કંગનાએ ધારણ કર્યો જયલલિતાનો અવતાર, થોડી મિનિટોમાં જ વાયરલ

મુંબઈઃ કંગના રણોત (Kangna Ranaut) સ્ટારર ફિલ્મ 'થલાઈવી'(Thalivi)નો ફર્સ્ટ લૂક (First Look) તેના નિર્માતાઓ દ્વારા રીલિઝ કરાયો છે. તમિલનાડુના પૂર્વ મુખ્યમંત્રી જયલલિતાની(Jaylalithaa) બાયોપિક (Biopic) એવી આ ફિલ્મનો ફર્સ્ટ લૂક અને ટીઝર (Teaser) બહાર પાડવામાં આવ્યું છે. એક મિનિટ લાંબા ટીઝરમાં જયલલિતાનું 'સુપરસ્ટાર હિરોઈન'માંથી(Superstar Heroine) 'ક્રાંતિકારી હિરો'માં (A Revolutionary Hero) કેવી રીતે ટ્રાન્સફોર્મેશન(Transformation) થયું તે દર્શાવાયું છે. 

એક મિનિટની ક્લીપ 1964માં રજુ થયેલી તમિલ ફિલ્મ 'વેનિરા અદાઈ'ના એક દૃશ્ય સાથે શરૂ થાય છે. આ ફિલ્મમાં એ સમયે સી.વી. સ્રીધર અને શ્રીકાંત, નિર્મલા અને મેજર સુંદરરાજને મુખ્ય ભૂમિકા ભજવી હતી. કંગના જયલલિતાના ડ્રેસઅપમાં આવે છે અને એક ગીત પર ડાન્સ કરી રહી છે. ત્યાર પછી બીજું દૃશ્ય સીધું જ જયલલિતાના ક્રાંતિકારી નેતા તરીકેની ભૂમિકાનું આવે છે. જેમાં કંગનાએ જયલલિતાની ઓળખ એવી લીલા રંગની સાડી પહેરી છે અને તેમની સ્ટાઈલમાં વિક્ટરી સાઈન દર્શાવી રહી છે.