સલમાન અને કેટરિનાની `ભારત` વિશે આવ્યા મોટા સમાચાર

નવી દિલ્હી : બોલિવૂડ સુપરસ્ટાર સલમાન ખાન બહુ જલ્દી કેટરિના કૈફ સાથે 'ભારત'માં જોવા મળશે. સલમાનના ચાહકો આ ફિલ્મ જોવા માટે તલપાપડ છે. આ ફિલ્મનું પહેલું ટીઝર  રિલીઝ થઈ ગયું છે અને મેકર્સ બહુ જલ્દી તેના ટ્રેલરને રિલીઝ કરવાની તૈયારી કરી રહ્યા છે. મેકર્સે આ ટ્રેલરને લોન્ચ કરવાની તારીખ પણ જાહેર કરી છે. 

આ ફિલ્મ પછી સલમાન ખાન 'દબંગ 3' માટે જલ્દી કામ શરૂ કરશે. ત્યારબાદ સંજય લીલા ભણસાલીની 'ઈન્શાઅલ્લાહ' ફિલ્મ માટે કામ શરૂ કરશે. ઈન્શાઅલ્લાહ ફિલ્મથી સંજય અને સલમાન 20 વર્ષ બાદ ફરી એક પ્રોજેક્ટમાં સાથે કામ કરશે. આ ફિલ્મમાં સલમાન સાથે આલિયા ભટ્ટ દેખાશે. ઈન્શાઅલ્લાહ આવતા વર્ષે ઈદ પર રિલીઝ થઇ શકે છે.