ટાઇગર શ્રોફે કર્યો માઇકલ જેક્સન જેવો ગજબનાક ડાન્સ, વાયરલ થયો વીડિયો

મુંબઈ : બોલિવૂડ એક્ટર ટાઇગર શ્રોફના ડાન્સ અને એક્શનના અનેક ચાહકો છે. ટાઇગરે પોતાની અત્યાર સુધીની ફિલ્મોથી સાબિત કર્યુ છે કે ડાન્સ અને એક્શનના મામલામાં તે નંબર વન છે. ફિલ્મ મુન્ના માઇકલમાં ટાઇગર શ્રોફ એવા છોકરાનો રોલ કરી રહ્યો છે જે માઇકલ જેક્સનનો ચાહક છે અને ડાન્સના આધારે લોકપ્રિયતા મેળવે છે. 

ટાઇગરે આ ફિલ્મમાં કમાલનો ડાન્સ કર્યો હતો અને હવે એનો વીડિયો ઝડપથી વાયરલ થઈ રહ્યો છે. આમાં તે માઇકલ જેક્સનની જેમ જ ડાન્સ કરતો જોવા મળે છે. હકીકતમાં આ એક કોલાજ વીડિયો છે જેમાં એક તરફ ટાઇગર શ્રોફ ડાન્સ કરે છે અને બીજી તરફ માઇકલ જેક્સનના ડાન્સની ક્લિપ જોડવામાં આવી છે.