TMKOC: નવા `તારક મહેતા`ની એન્ટ્રી બાદ ચાહકોમાં નારાજગી, મિમ્સ શેર કરીને કરવા લાગ્યા આ માંગણી

TMKOC: ટેલિવિઝનના સૌથી લોકપ્રિય શોમાં સામેલ તારક મહેતા કા ઉલ્ટા ચશ્મા કોઈને કોઈ કારણસર ચર્ચામાં રહે છે. આ વખતે આ શો નવા તારક મહેતા એટલે કે સચિન શ્રોફના કારણે ચર્ચામાં છે. લાંબા સમયથી તારક મહેતાના ઉલ્ટા ચશ્મામાં શૈલેષ લોઢાને રિપ્લેસ કરવા મુદ્દે અટકળો થઈ રહી હતી. ખુબ ઈન્તેજાર બાદ આખરે ગોકુલધામમાં સચિન શ્રોફની એન્ટ્રી થઈ ગઈ. ફેન્સને જો કે તારક મહેતા તરીકે સચિન શ્રોફ જામતા હોય તેવું લાગતું નથી. નવા 'મહેતાસાહેબ'ની એન્ટ્રી પર જો કે ફેન્સમાં મિક્સ રિએક્શન જોવા મળી રહ્યા છે. જેવી નવા તારક મહેતાની એન્ટ્રીવાળો એપિસોડ ઓન એર થતા નેટિઝન્સના રિએક્શન આવવા માંડ્યા અને TMKOC ટ્વિટર પર ટ્રેન્ડ કરવા લાગ્યું. 

મીમ્સ થવા લાગ્યા શેર
સોશયિલ મીડિયાની સૌથી સારી વાત એ છે કે અહીં લોકો પોતાની વાત ખુલીને રજૂ કરી શકે છે. તારક મહેતા કા ઉલ્ટા ચશ્માના ફેન્સ પણ આમ જ કરી રહ્યા છે. શૈલેષ લોઢાની જગ્યાએ શોમાં સચિન શ્રોફને જોઈને લોકોએ ઈન્ટરનેટ પર પોતાની વાત  ખુલીને રજૂ કરવાની શરૂ કરી દીધી. આ ટ્વિટ્સને વાંચ્યા પછી સમજી શકાય કે લોકો માટે નવા તારક મહેતાને સ્વીકારવા કેટલા મુશ્કેલ બન્યા છે. શૈલેષ લોઢાએ તારક મહેતા સાથે લાંબો સમય વીતાવ્યો હતો. તેમણે આ પાત્રમાં જીવ રેડી દીધો હતો. જેને કારણે હવે લોકો માટે તેમની જગ્યાએ કોઈ અન્ય અભિનેતાને સ્વીકારવા મુશ્કેલ બનતું હોય તેવું લાગે છે. 

સચિન શ્રોફની TMKOC માં એન્ટ્રી પર ફેન્સના કેટલાક રિએક્શન્સ.....

એક યૂઝરનું કહેવું છે કે તારક મહેતા શો તેનો ચાર્મ ગૂમાવી રહ્યો છે. સારામાં સારો શો હવે બોરિંગ બની રહ્યો છે. શોની આ પડતી છે. દરેક જણ સિરિયલ છોડી રહ્યા છે.