આ હસીનાઓ સામે ચાંદની ચમક પણ ફિક્કી પડે છે!!! મેકઅપની ક્યારે પડતી નથી જરૂર

Bollywood Actress: દરેક વ્યક્તિ પોતાનામાં જ સુંદર હોય છે, તેમ છતાં કેટલીક એવી સુંદરતા હોય છે જેના પરથી આપણી નજર હટતી નથી. આમ તો બોલિવુડની એક્ટ્રેસની સુંદરતા પર લાખો લોકો દીવાના હોય છે, અહીં એવી અભિનેત્રીઓની વાત જેમને જોઈ મનમાં વિચાર આવે કે આટલું સુંદર કોઈ કેવી રીતે હોઈ શકે?

બોલિવુડની એવી અભિનેત્રીઓની વાત જેઓને મેકઅપની કયારેય જરૂર પડી નથી, આ હસીનાઓ સામે ચાંદની ચમક પણ ફિક્કી પડે છે. અહીં 50-60ના દાયકાથી લઈને અત્યારની અભિનેત્રીઓ સામેલ છે જેમની ખૂબસુરતી એવી છે કે તેઓ સ્ક્રીન પર આવે તો લોકો એકીટશે તેમને જોયા કરે..

1. મધુબાલા
બોલિવુડ જ નહીં સમગ્ર ઈન્ડસ્ટ્રીની સૌથી સુંદર અભિનેત્રીની યાદી બનાવવામાં આવે તો સૌથી પહેલા નામ મધુબાલાનું આવે. મધુબાલાનું અસલી નામ મુમતાઝ જહા બેગમ દેહલવી હતું. વેલેન્ટાઈન ડે એટલે કે 14 ફેબ્રુઆરીના દિવસે મધુબાલાનો જન્મ થયો હતો. મધુબાલાની સુંદરતાનો કોઈ મુકાબલો નહોંતો અને કાયમ માટે તેના ફેન્સના દિલમાં જીવંત છે. 20 વર્ષ સુધી 60થી વધુ ફિલ્મોમાં કામ કરી પોતાની અદાઓથી દીવાના બનાવનાર મધુબાલાએ 36 વર્ષની નાની ઉમરે દુનિયાને અલવિદા કહીં દીધું. તેમની નમણી આંખો, નિર્દોષ હાસ્ય અને સાદગીથી લોકો ખાસ્સા પ્રભાવિત હતા.  ખરેખર મધુબાલા એવા સુંદર અભિનેત્રી હતા, જેમણે ક્યારેય શણગારની જરૂર પડી નથી.