સજીધજીને રાનુએ તસવીર પોસ્ટ કરી સોશિયલ મીડિયામાં, લોકોએ કહી દીધું કે...

મુંબઈ : સોશિયલ મીડિયા દ્વારા રાતોરાત સ્ટાર બની જનાર રાનુ મંડલ હાલમાં ખોટા કારણોસર ચર્ચામાં છે. થોડા સમય પહેલાં તેનો વિવાદાસ્પદ વીડિયો જાહેર થયો હતો અને હવે કેટલીક તસવીરો સોશિયલ મીડિયા પર સામે આવી છે જેમાં લોકો તેના મેકઅપને કારણે તેની મજાક ઉડાવી રહ્યા છે. આ તસવીરોમાં રાનુ ખૂબ જ સુંદર લહેંગામાં જોવા મળે છે પરંતુ તેણે જે મેકઅપ કર્યો છે એ તેને સારી દર્શાવવાના બદલે તેના લુકને ખૂબ જ બગાડી રહ્યો છે. આ તસવીરો જોઈને એવું લાગી રહ્યું છે કે રાનુ કોઈ બ્યૂટી પાર્લર અથવા તો સલૂનના કાર્યક્રમમાં હાજરી આપી હોય. રાનુએ જે મેકઅપ કર્યો છે એમાં તે સુંદર લાગવાને બદલે ખરાબ લાગી રહી છે. તેના આ લુકની બહુ મજાક ઉડી છે.