રિશી કપૂરે પાકિસ્તાન પીએમને ટ્વિટ કરીને આપી દીધી સલાહ, ધડાધડ થઈ વાયરલ

મુંબઈ : ભારત સરકારે કોરોના વાયરસને લઈને કડક પગલા લીધા છે. વડાપ્રધાને દેશના લોકોને 22 માર્ચે તેમના ઘરોમાં રહેવાની વિનંતી કરી છે. પીએમ મોદીના આ પગલાંને જોઈને બોલિવૂડ એક્ટર રિશી કપૂરે ટ્વીટ કર્યું છે, જે સોશિયલ મીડિયા પર ખૂબ વાયરલ થઈ રહ્યું છે. રિશી કપૂરે પોતાના ટ્વિટમાં પાકિસ્તાનના વડા પ્રધાન ઇમરાન ખાનને કોરોના વાયરસ સામે કડક પગલા ભરવાની સલાહ પણ આપી હતી.

કોરોના વાયરસ અંગે ઈમરાન ખાને એક ઈન્ટરવ્યૂમાં કહ્યું હતું કે કોરોનાના કારણે ગરીબ દેશોના અર્થતંત્ર પર અસર પડશે. પાકિસ્તાનમાં સ્થિતિ બગડશે તો મેડિકલ વ્યવસ્થા સંભાળવી મુશ્કેલ થઈ જશે. આ સ્થિતિમાં વિશ્વના ધનિક દેશોએ અમારી મદદ કરવી જોઈએ.