Video : અભિષેક-એશની આરાધ્યા તો ભારે નખરાળી, ખડખડાટ હસાવી દીધા ફોટોગ્રાફર્સને

મુંબઈ : 9 માર્ચના દિવસે દેશના ટોચના ઉદ્યોગપતિ મુકેશ અંબાણીના મોટા દીકરા આકાશના લગ્ન શ્લોકા મહેતા સાથે થયા હતા. 10 માર્ચે આકાશ-શ્લોકાની રિસેપ્શન પાર્ટી યોજાઈ. લગ્ન અને રિસેપ્શનમાં બોલિવૂડ એક્ટર્સનો જમાવડો થયો. આ સ્ટાર્સમાં બચ્ચન પરિવારે હાજરી આપી હતી. આ બધામાં આકર્ષણનું કેંદ્ર બની અભિષેક અને ઐશ્વર્યાની દીકરી આરાધ્યા. રિસેપ્શનમાં આવેલી આરાધ્યા બચ્ચને પહેલીવાર ફોટોગ્રાફર્સને ફની પોઝ આપ્યા સાથે જ કહ્યું કે, હવે બસ કરો. આરાધ્યાની આ સ્ટાઇલ જોઈને ફોટોગ્રાફર્સ પણ હસી પડ્યા હતા. 

રિસેપ્શનમાં ફોટોગ્રાફર્સ પોઝ આપવાનું કહેતા હતા પણ આરાધ્યા તો પોતાની જ મસ્તીમાં મસ્ત હતી. ફોટોગ્રાફર્સને પોઝ આપતાં આપતાં આરાધ્યા થાકી ગઈ ત્યારે જતાં-જતાં કહ્યું, ‘બસ બસ.’ આ સાંભળીને ઐશ્વર્યા-અભિષેકની સાથે ત્યાં હાજર ફોટોગ્રાફર્સ પણ હસી પડ્યા.