પોતાના લગ્નમાં દુલ્હાએ લગાવ્યા જબરદસ્ત ઠુમકા, VIDEO જોઈને દિલ થઈ જશે ખુશ

નવી દિલ્હી : આમ તો વર્ષોથી લગ્નોમાં ડાન્સ કરવામાં આવે છે. જાનમાં લોકો ધમાકેદાર ડાન્સ કરીને એની મજા માણે છે પણ આજકાલ લોકોને નવો ટ્રેન્ડ જોવા મળી રહ્યો છે. આ ટ્રેન્ડ પ્રમાણે વર અને વધૂ પણ બધાની સામે ડાન્સ કરે છે. પોતાના લગ્નમાં ડાન્સ કરતી દુલ્હનને તો ઘણાએ જોઈ હશે પણ હાલમાં ઇન્ટરનેટ પર એક દુલ્હાના ધમાલ ડાન્સનો વીડિયો વાઇરલ થઈ રહ્યો છે. 

આ વીડિયોમાં વર બહુ બિનધાસ્ત રીતે આ ડાન્સ કરી રહ્યો છે જેના કારણે લોકોને આ વીડિયો બહુ પસંદ પડી રહ્યો છે. Ritesh Saini નામની એક યુટ્યૂબ ચેનલ પર 17 ફેબ્રુઆરીએ અપલોડ કરવામાં આવેલા આ વીડિયોને 34 લાખ કરતા વધારે વાર જોવામાં આવ્યો છે. આ ગીતમાં દુલ્હન થોડી શરમાય છે પણ બેહદ ખુશ દેખાય છે.