`પીએમ મોદી` ફિલ્મના વિરોધ પર બોલ્યા વિવેક ઓબેરોય, `ચોકીદારના ડંડાથી ડરી રહ્યાં છે કેટલાક લોકો`

નવી દિલ્હીઃ વિવેક ઓબેરોય છેલ્લા ઘણા દિવસોથી સતત ચર્ચામાં છે. કારણ શું છે લગભગ જણાવવાની જરૂર નથી. દેશના વડાપ્રધાન પર બની ફિલ્મ 'પીએમ નરેન્દ્ર મોદી'માં વિવેક ઓબેરોય લીડ રોલમાં છે. તો આ ફિલ્મના ટ્રેલર રિલીઝ બાદ તેનો ખુબ વિરોધ થઈ રહ્યો છે. પરંતુ ચૂંટણી પંચ અને દિલ્હી હાઈકોર્ટ બંન્નેની લીલી ઝંડી મળી ગઈ છે. આ ફિલ્મ વિશે વાત કરતા વિવેકે કહ્યું કે, મને સમજાતું નથી કે લોકો આ ફિલ્મનો વિરોધ કેમ કરી રહ્યાં છે? આ લોકો ફિલ્મથી નહીં ચોકીદારના ડંડાથી ડરી ગયા છે. 

ફિલ્મ વિશે આગળ વાત કરતા વિવેક ઓબેરોયે કહ્યું કે, ફિલ્મમાં પીએમ મોદીને મહાન દેખાડવામાં આવ્યા નથી. તે ફિલ્મથી વધુ છે અને તેઓ ખુદ એક હીરો છે અને તેમને હીરો દેખાડવાની કોઈ જરૂર નથી કારણ કે પીએમને દેશની જનતાએ ખુદ પોતાનો હીરો પસંદ કર્યાં છે.