SURPRISE: યામી ગૌતમે `ઉરી`ના ડાયરેક્ટર આદિત્ય ધર સાથે ગુપચુપ કર્યા લગ્ન, જુઓ First Photo

નવી દિલ્હીઃ બોલીવુડ અભિનેત્રી યામી ગૌતમ  (Yami Gautam) એ લગ્ન કરી લીધા છે. તેણે લગ્નની પ્રથમ તસવીર સોશિયલ મીડિયા પર શેર કરી છે. યામીએ ફિલ્મ 'ઉરીઃ ધ સર્જિકલ સ્ટ્રાઇક (Uri: The Surgical Strike)' ના ડાયરેક્ટર આદિત્ય ધર (Aditya Dhar) સાથે લગ્ન કર્યાં છે. આ લગ્ન ખુબ ઇન્ટીમેટ હતા અને તેમાં બન્ને પરિવારના લોકો સામેલ થયા હતા. 

યામીએ પોતાના લગ્નની પ્રથમ તસવીર શેર કરતા લખ્યું છે- પોતાના પરિવારોના આશીર્વાદથી આજે અમે લગ્ન કરી લીધા છે. અત્યંત વ્યક્તિગત વ્યક્તિ હોવાને લીધે અમે આ ઉત્સવ માત્ર અમારા પરિવારની સાથે મનાવ્યો છે. 

યામીના લગ્નની તસવીરે તેના ફેન્સને સરપ્રાઇઝ કરી દીધા છે. યામી અને આદિત્યની આ તસવીર પર બોલીવુડ ઇન્ડસ્ટ્રીના લોકો શુભેચ્છા આપી રહ્યાં છે. દિયા મિર્ઝા, જેકલીન, નેહા ધૂપિયા, ભૂમિ પેડનેકર, વિક્રાંત મૈસી જેવા સિતારાઓએ તેમને શુભેચ્છા આપી છે.