યુવરાજ સિંહ બાદ હવે આ અભિનેત્રીની થઈ ધરપકડ, નામ જાણી ચોંકશો, જાણો શું છે મામલો

નવી દિલ્હી: બિગ બોસ ફેમ અભિનેત્રી યુવિકા ચૌધરીની હરિયાણા પોલીસે સોમવારે ધરપકડ કરી. યુવિકા પર એક વીડિયોમાં અનુસૂચિત જાતિ અંગે આપત્તિજનક ટિપ્પણી કરવાનો આરોપ છે. હાંસી (હિસાર, હરિયાણા) પોલીસ મથકે તેની લગભગ ત્રણ કલાક પૂછપરછ કરવામાં આવી. અભિનેત્રી પર એસસી/એસટી એક્ટ હેઠળ કેસ દાખલ થયો હતો. જો કે બાદમાં તેને પંજાબ અને હરિયાણા હાઈકોર્ટે વચગાળાના જામીન આપ્યા જેથી કરીને અભિનેત્રીનો છૂટકારો પણ થઈ ગયો. 

યુવિકા મુંબઈથી હાંસી પહોંચી હતી. તેના વકીલ અશોક બિશ્નોઈએ સમાચાર એજન્સી એએનઆઈ સાથે વાતચીતમાં કહ્યું કે મારી ક્લાયન્ટ હાઈકોર્ટના દિશા નિર્દેશ મુજબ તપાસમાં સામેલ થઈ અને તે હાલ વચગાળાના જામીન પર છે. હવે આ કેસમાં 24 નવેમ્બરે હાઈકોર્ટમાં સુનાવણી થશે.