દેશના યુવાઓને બરબાદ કરતું નશીલા પદાર્થનું નેટવર્ક ઝડપાયું, 150 કિલો ગાંજા સાથે 2ની ધરપકડ

ઉદય રંજન, અમદાવાદ: દેશના યુવાધનને બરબાદ કરતું નશીલા પદાર્થનું નેટવર્ક અમદાવાદ ક્રાઇમ બ્રાન્ચે ઝડપી પડ્યું છે . બાતમીના આધારે ક્રાઇમ બ્રાન્ચે 45 લાખની કિંમતનો 150 કિલો ગાંજો હેરાફેરી દરમિયાન ઝડપી પાડ્યો છે અને તેની સાથે 2 આરોપીની પણ ધરપકડ કરવામાં આવી છે. આરોપીની પૂછપરછમાં ક્રાઇમ બ્રાન્ચે ઓરિસ્સાથી અમદાવાદ સુધીનું નેટવર્ક છતું કર્યું છે. 

અમદાવાદ ક્રાઇમ બ્રાન્ચે 150 કિલો ગાંજા સાથે 2 આરોપીઓ કે જેમાં ડાહ્યાભાઈ ઉર્ફે ડાહ્યો ભાટ્ટી તથા તેના સાગરીતની ધરપકડ કરી છે. પોલીસને બાતમી મળી હતી કે આ બન્ને આરોપી છોટા હાથી વાહનમાં મોટા પ્રમાણમાં ગેરકાયદેસર ગાંજાનો જથ્થો સુરત ખાતેથી ભરી વડોદરા નડિયાદ થઈ અમદાવાદમાં લાવી રહ્યાં છે. આ મુજબની ચોક્કસ બાતમીના આધારે ક્રાઇમ બ્રાન્ચની ટીમ દ્વારા જેતલપુર ગામના ઓવર બ્રિજના છેડા પાસે નાકાબંધી કરી તાડપત્રીની આડમાં લઈ જવામાં આવતા 150 કિલો ગાંજાને ઝડપી પાડ્યો. 

જુઓ LIVE TV