કચ્છઃ નિર્જન સમુદ્રકાંઠે 24 લાખની કિંમતના 16 ચરસના પેકેટ મળી આવ્યા

કચ્છઃ પશ્ચિમ કચ્છ પોલીસને મોટી સફળતા મળી છે. કચ્છના સમુદ્રકાંઠેથી બીનવારસી હાલતમાં 16 ચરસના પેકેટ મળી આવ્યા છે. જેની માર્કેટ કિંમત આશરે 24 લાખ રૂપિયા છે. કચ્છ પોલીસ પેટ્રોલિંગમાં હતી તે દરમિયાન પોલીસને નિર્જન ટાપુ પર અમુક સંદિગ્ધ પેકેટો દેખાયા હતા. આ જોઈને જખૌ પોલીસ અને પશ્ચિમ SOGની ટીમ ઘટનાસ્થળે પહોંચી હતી.  

નિર્જન સમુદ્રકાંઠે ચરસના 16 પેકેટ બીનવારસી હાલતમાં પડ્યાં હતા. બે પેકેટનું કવર ફાટી ગયું હોઈ અંદર રહેલું ચરસ ઓગળી ગયેલી હાલતમાં પણ જોવા મળ્યું છે. પ્રાથમિક તબક્કે આ પેકેટ લાંબા સમયથી સમુદ્રના પાણીમાં તરતાં હોવાનું અને કાંઠે તણાઈ આવ્યાં હોવાનું અનુમાન છે.