સોમનાથ સ્વામીનારાયણ ગુરુકુલના બે સંતો પાસે 2.50 કરોડની ખંડણીની માગ

અમરેલીઃ સોમનાથ ખાતે આવેલા સ્વામીનારાયણ ગુરુકુળના બે સંતો પાસે બે શખ્સોએ રૂ.2.50 કરોડની ખંડણી માગી હતી. સંતોની ફરિયાદના આધારે પોલીસે આ બંને શખ્સોની ધરપકડ કરી છે. 

ખંડણી માગનારા બે શખ્સોએ સોમનાથ સ્વામીનારાયણ ગુરુકુળના બે સંતોના ક્યાંકથી મેળવી લીધા હતા. ત્યાર બાદ તેમણે આ સંતોના ફોટાનું એડિટિંગ કરીને તેમાં મહિલાઓના ફોટા પણ ઉમેરી દીધા હતા. 

ફોટો એડિટ કર્યા બાદ તેમણે આ ફોટો સંતોનો મોકલ્યા હતા અને આ ફોટાને સોશિયલ મીડિયામાં વાયરલ કરવાની ધમકી આપી હતી. તેમણે સંતોને સોમનાથથી અમરેલી બોલાવ્યા હતા અને આ ફોટા બતાવીને તેમની પાસે રૂ.2.50 કરોડની ખંડણી માગી હતી. 

જોકે, સંતો આ શખ્શોની ધમકીને શરણે થયા ન હતા, કેમ કે તેમણે કોઈ અપરાધ કર્યો ન હતો. સંતોએ ધમકી આપનારા બે શખ્સો સામે અમરેલી પોલીસ સ્ટેશનમાં ફરિયાદ નોંધાવી હતી. સંતોની ફરિયાદના આધારે અમરેલી પોલીસે બંને આરોપીને ગણતરીના કલાકોમાં જ ઝડપી પાડ્યા હતા. આ શખ્સોએ બીજા કોઈ અન્યને ભોગ બનાવ્યા છે કે નહીં તેની પોલીસ તપાસ કરી રહી છે. 

સોશિયલ મીડિયા દ્વારા છેતરપીંડીના અને ધાક-ધમકી આપવાના અનેક કિસ્સા અવાર-નવાર બહાર આવતા રહે છે. તેમાં સ્વામીનારાયણ સંપ્રદાયના સંતો પણ ફસાઈ ગયા હતા.